Dili , 20 Outubru 2026 - Vise-Prezidente KE BTL, E.P ba Asuntu Tékniku, José Filipe Ximenes Smith, akompaña husi Diretór Operasaun no Manutensaun (DOM) Aleixo Dos Santos partisipa iha semináriu preliminár ba apresentasaun resultadu peskiza sientifiku 2026, ekonómia Azul, ekonómia Verde no erradikasaun pobreza ne’ebe aprezenta husi Instituto Nasionál de Ciénsias no Téknologia (INCTL) liu husi ekipa Tim Lider blok ekonómia.
Semináriu preliminár ba apresentasaun resultadu peskiza sientifiku 2026, kona-ba ekonómia Azul, ekonómia Verde no erradikasaun pobreza ne’e sei hala'o durante loron 3 hahu Tersa to'o Kinta semana ne'e iha salaun edifisiu INCTL INFORDEPE Matadoru Dili.
Objetivu prinsipál husi semináriu preliminár ne’e mak atu aprezenta rezultadu preliminár hosi peskiza kona-ba ekonómia azul, ekonómia verde no erradikasaun probreza, hodi hetan feedback krítiku, sujestaun konstrutiva no validasaun hosi partisipante sira atu hadia kualidade no kredibilidade peskiza nian.
Alende ne’e, semináriu ne’e mós iha objetivu atu promove diskusaun no kolaborasaun entre peskizadór sira, akademiku no instituisaun relevante sira ne’ebé iha koñesimentu no interese kona-ba tópiku peskiza nian, hodi identifika asuntu no pontu importante sira ne’ebé presiza hetan esplorasaun klean liután iha prosesu peskiza no hametin validasaun no hadia rezultadu peskiza nian liuhosi kontribuisaun, perspetiva no rekomendasaun hosi partisipante sira.
No husi perspetiva hirak ne’e mak hamosu Formula rekomendasaun relevante no bazeia ba evidénsia sientífika atu orienta dezenvolvimentu peskiza iha futuru no apoia formulasaun polítika no estratéjia ne’ebé sustentável,inkluziva no orientada ba erradikasaun probreza.
Partsipipa iha enkontru semináriu preliminár ba apresentasaun resultado peskiza sientifiku 2026 ne’e partisipa husi reprezentante,Ministériu Obras Publikas (MOP) Ministériu Planeamentu Investimentu no Estratéjiku (MPIE) Ministériu Agrikultura Peskas, Floresta no Pekuaria (MAFFP) Banku Central Timor- Leste (BCTL) no Dosente UNTL inklui Diretór Hakosta,nomos entidades relevante sira seluk.
Fahe ba Sosial Media:
