Dili ,26 Maiu 2026 – Vise-Prezidente Komisaun Ezekutivu ba Asuntu Korporativu Manuel Tomás Amaral de Carvalho,akompaña hosi Diretór Enjeñaria no Investimentu (DEI), João da Cruz Cardoso partisipa iha reuniaun ba daruak ho Parseiru Dezenvolvimentu Timor-Leste nian (Timor-Leste Development Partners’ Meeting - TLDPM) .
Reuniun ba loron daruak ne’e prezide husi Vise- Primeiru-Ministru no Ministro Turismu Ambiente Francisco Kalbuidi Lay akompaña husi Ministra Finansas,Santina (MF) no Ministru Planu Investimentu no Estratejiku (MPIE).
Reuniaun ba loron daruak ne’e kontinua hala'o iha Sala Auditóriu Kay Rala Xanana Gusmão, Ministériu Finansas, iha Aitarak Laran.
Timor-Leste Development Partners Meeting (TLDPM ) mak konferénsia anuál, Nivel Aas ida, ne’ebé Governu hala’o sorumutu ho parseiru dezenvolvimentu nasaun nian sira hotu atu halo reflesaun ida kona-ba objetivu hirak ne’ebé alkansa ona no análize mós kona-ba dezafiu hirak ne’ebé sei hasoru, tuir planu estratéjiku ba futuru nasaun nian.
Reuniaun ne'e partisipa mós husi membru governu sira seluk, Dirijente Instituisaun Públika, no parseiru dezenvolvimentu internasionál hotu ne'ebé serbisu iha Timor-Leste.
Fahe ba Sosial Media:
