Dili,29 Setembru 2026 - Vise-Prezidente KE BTL, E.P ba Asuntu Tékniku, José Filipe Ximenes Smith, akompaña hosi Diretór Operasaun no Manutensaun (DOM), Aleixo dos Santos, halo observasaun no halo liña kordenasaun ho Enjenaria kompañia implementadór ne’ebé halo projetu alargamentu estrada iha area elemloi, hodi bele asegura kanu distribuisaun bee iha fatin ne’e.
Depois de halo observasaun iha Elemloi ,Vise-Prezidente KE BTL, E. ho Diretór DOM kontinua ba halo observasaun bomba bee eletrika iha area Fomentu nomos tanke rezervatóriu iha Malinamuk hodi hare sistema fornesimentu bee ba komsumidór sira iha terenu.
Durante halo observasaun iha terenu .Vise-Prezidente KE BTL, E.P ba Asuntu Tékniku, José Filipe Ximenes husu ba enjenaria kompañia ne'ebé dadaun ne'e hadia estrada iha elemlo atu halo liña kordenasaun diak ho ekipa tékniku BTL,EP hodi asegura kanu liña distribuisaun bee iha fatin referida nune komsumidór sira nafatin asesu ba bemos.
Alen de ida ne’e Vise-Prezidente KE BTL, E.P mós husu ba komsumidór ne’ebé hela iha aredór tanke rezervatóriu Malinamuk Aldeia kuatru de Setembru atu tau matan ba fasilidades publiku ne’ebé ezisti iha fatin ne’e hodi asegura ho diak nune bele uza ba tempu naruk.
Fahe ba Sosial Media:
