.jpg)
.jpg)
๐๐ขฬ๐ฅ๐ข, ๐๐ ๐๐๐ง๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz ho Vise-Prezidente KE BTL, E.P ba Asuntu Tékniku, José Filipe Ximenes Smith, hamutuk ho Koordenadór PMU ๐๐๐ก๐๐๐ ho ekipa, hala’o enkontru koordenasaun servisu ho reprezentante ๐๐๐๐๐ ๐ต๐๐๐ ๐บ๐๐๐ข๐ (WBG)/Grupu Banku Mundiál iha Timor Leste. Enkontru ne’e realiza iha sala reuniaun BTL, E.P Caicoli.
Sorumutu ne’e, hodi koordena ou deskute kona-bá projetu sistema bee moos ba kapitál Munisípiu Baucau nian, ne’ebé antes ne’e kansela ona, maibé daudaun ne’e, parte ๐๐๐๐๐ ๐ต๐๐๐ ๐บ๐๐๐ข๐ haree oinsá atu bele kontinua fila-fali projetu referidu. Tanba ne’e ohin, parte BTL, E.P mós fó ona esplikasaun kona-bá lala’ok projetu ne’e, atu sira mos bele entende.
Durante iha reuniaun ne’e, parte ๐๐๐๐๐ ๐ต๐๐๐ ๐บ๐๐๐ข๐ pronunsia mos, sira sei halo preparasaun téknika, nune’e aban loron 29 fulan ne’e, ekipa World Bank Group hamutuk ho espesialista bee nian, sei desloka ba Munisípiu Baucau, hodi vizita ou haree direta terrenu, wainhira iha mudansa ruma, sei haree, halo análize no kompleta, molok implementa.
Rekorda mos katak, antes ne’e, Reprezentante hosi World Bank Group envia ona karta ofisiál ida ba Ministra Finansas no Ministru Obras Públikas, hodi husu autorizasaun, atu bele hala’o vizita téknika ba terrenu, hodi observa antes atu hahú fila-fali.
Hafoin hala’o vizita terrenu iha Munisípiu Baucau, misaun ne’e sei kontinua hasou Ministra Finansas no sei fila-fali ba Jakarta Indonézia, hodi halo preparsaun sira tuir siklu projetu ba impréstimu bazeia ba prosedimentu ๐๐๐๐๐ ๐ต๐๐๐ ๐บ๐๐๐ข๐ nian.
Perante reuniaun ne’e, parte ๐๐๐๐๐ ๐ต๐๐๐ ๐บ๐๐๐ข๐ kontente tebes, tanba bele reuni hodi halo diskusaun, atu bele hahú hikas projetu sistema bee ba kapitál Munisípiu Baucau.
Fahe ba Sosial Media:
.jpeg)
