Díli, 04/09/2024. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen Sr. Gustavo da Cruz ho Vise-Prezidente KE BTL, E.P ba Asuntu Boa Governasaun no Fortalesimentu Institusionál, Sra. Elizabeth Amaral, akompaña hosi Jestór Departamentu Kontrolu Kualidade no Ambiente (DCQA sigla portugés) ho ekipa hala’o reuniaun ho espesialista hosi UNIDO, iha salaun enkontru, edifísiu sentrál BTL, E.P, Caicoli.
Objetivu hosi reuniaun ne’e, hodi aprezenta rezultadu avaliasaun ne’ebé UNIDO liu QIEC hala’o durante loron haat, iha laboratóriu BTL, E.P nian no rezultadu di’ak, tanba laboratóriu BTL, E.P nian prienxe hela rekizitu balun.
“𝑅𝑒𝑧𝑢𝑙𝑡𝑎𝑑𝑢 𝑛𝑒’𝑒𝑏𝑒́ 𝑑𝑖’𝑎𝑘 𝑡𝑒𝑏𝑒𝑠, 𝑘𝑎𝑡𝑎𝑘 𝑙𝑎 𝑑𝑖’𝑎𝑘 𝑙𝑖𝑢 𝑛𝑜 𝑙𝑎 𝑎𝑎𝑡 𝑙𝑖𝑢. 𝐵𝑎́𝑧𝑖𝑘𝑎𝑚𝑒𝑛𝑡𝑒 𝑟𝑒𝑘𝑒𝑧𝑖𝑡𝑢𝑠 𝑏𝑎𝑙𝑢𝑛 𝑖𝑡𝑎 𝑝𝑟𝑖𝑒𝑛𝑥𝑒 𝑛𝑜 𝑖ℎ𝑎 𝑟𝑒𝑘𝑜𝑚𝑒𝑛𝑑𝑎𝑠𝑎𝑢𝑛 𝑏𝑎𝑙𝑢𝑛 𝑛𝑒’𝑒𝑏𝑒́ 𝑝𝑟𝑒𝑠𝑖𝑧𝑎 𝑖𝑡𝑎 ℎ𝑎𝑑𝑖’𝑎 𝑚𝑎𝑘 𝑖ℎ𝑎 𝑗𝑒𝑠𝑡𝑎𝑢𝑛 𝑛𝑜𝑚𝑜𝑠 𝑘𝑢𝑎𝑙𝑖𝑑𝑎𝑑𝑒 𝑘𝑜𝑛𝑡𝑟𝑜𝑙𝑢 𝑛𝑖𝑎𝑛 𝑛𝑒’𝑒𝑏𝑒́ 𝑠𝑖𝑟𝑎 𝑟𝑒𝑘𝑜𝑚𝑒𝑛𝑑𝑎 𝑎𝑡𝑢 𝑖𝑡𝑎 𝑏𝑒𝑙𝑒 ℎ𝑎𝑑𝑖’𝑎. 𝑁𝑜 𝑒𝑛𝑡𝑎𝑛𝑡𝑢, 𝑟𝑒𝑧𝑢𝑙𝑡𝑎𝑑𝑢 𝑏𝑎 𝑎𝑣𝑎𝑙𝑖𝑎𝑠𝑎𝑢𝑛 𝑏𝑎 𝑙𝑎𝑏𝑜𝑟𝑎𝑡𝑜́𝑟𝑖𝑢 𝐵𝑇𝐿, 𝐸.𝑃 𝑛𝑖𝑎𝑛, 𝑖𝑡𝑎 𝑖ℎ𝑎 𝑚𝑒𝑑𝑖𝑢𝑚, 𝑖𝑑𝑎 𝑛𝑒’𝑒 𝑑𝑖’𝑎𝑘. 𝐷𝑢𝑟𝑎𝑛𝑡𝑒 𝑛𝑒’𝑒 ℎ𝑎’𝑢 ℎ𝑎𝑛𝑜𝑖𝑛 𝑖𝑡𝑎 𝑛𝑖𝑎 𝑘𝑢𝑎𝑙𝑖𝑑𝑎𝑑𝑒 𝐿𝑎𝑏𝑜𝑟𝑎𝑡𝑜́𝑟𝑖𝑢 𝑛𝑒’𝑒 𝑚𝑖́𝑛𝑖𝑚𝑢 𝑙𝑖𝑢, 𝑚𝑎𝑖𝑏𝑒́ ℎ𝑎𝑓𝑜𝑖𝑛 𝑠𝑖𝑟𝑎 ℎ𝑜𝑠𝑖 𝑈𝑁𝐼𝐷𝑂 ℎ𝑎𝑙𝑜 𝑎𝑠𝑠𝑒𝑠𝑠𝑚𝑒𝑛𝑡 𝑟𝑒𝑧𝑢𝑙𝑡𝑎𝑑𝑢 𝑛𝑒’𝑒𝑏𝑒́ 𝑜ℎ𝑖𝑛 𝑠𝑖𝑟𝑎 𝑎𝑝𝑟𝑒𝑧𝑒𝑛𝑡𝑎 𝑖ℎ𝑎 𝑚𝑒𝑑𝑖𝑢𝑚 𝑛𝑒’𝑒 𝑑𝑖’𝑎𝑘, 𝑖𝑡𝑎 𝑝𝑟𝑒𝑠𝑖𝑧𝑎 ℎ𝑎𝑑𝑖’𝑎 𝑡𝑎𝑛 𝑑𝑒’𝑖𝑡 𝑏𝑢𝑎𝑡 𝑏𝑎𝑙𝑢𝑛 𝑎𝑡𝑢 𝑖𝑡𝑎 𝑏𝑒𝑙𝑒 ℎ𝑎𝑠𝑎’𝑒 𝑘𝑢𝑎𝑙𝑖𝑎𝑑𝑎𝑑𝑒 𝐿𝑎𝑏𝑜𝑟𝑎𝑡𝑜́𝑟𝑖𝑢 𝑏𝑒𝑒 𝑛𝑖𝑎𝑛 𝑖ℎ𝑎 𝐵𝑇𝐿, 𝐸.𝑃”, dehan Ezekutivu.
Vise-Prezidente KE BTL, E.P ba Asuntu Sistema Bee, Saneamentu no Drenajen esplika, normalmente atu hetan akreditasaun presiza tinan tolu, maibé hosi rezultadu avaliasaun ne’ebé iha no presiza hadi’a rekomendasaun balun ne’ebé hato’o hosi UNIDO, ida ne’e la presiza tempu naruk, hodi hetan akreditasaun.
Antes ne’e, Vise-Prezidente husu ba ekipa Laboratóriu BTL, E.P nian, durante halo avaliasaun hosi parte UNIDO, tenke informa no hakerek informasaun tuir realidade ne’ebé mak iha no labele manipula informsaun, maibé tenke realístiku ho kondisaun Laboratóriu BTL, E.P nian. Ho nune’e, avaliasaun loron haat durante ne’e, hetan rezultadu ne’ebé pozitivu tebes ou médiu no presiza atu kompleta ou hadi’a de’it rekomendasaun balun, hodi kompleta rekezitu sira, molok hetan akreditasaun.
Hafoin rona tiha rekomendasaun sira ne’ebé hato’o hosi parte UNIDO, BTL, E.P agradese no prontu atu nafatin koopera ho UNIDO, atu oinsá bele hadi’a kestaun sira ne’ebé iha bazeia ba rekomendasaun hirak ne’e. No Ezekutivu BTL, E.P mos sei haree orsamentu foun, hodi tau prioridade ba asuntu ida ne’e, atu nune’e bele mellora liu tan Laboratóriu BTL, E.P nian.
Parte UNIDO mos apresia tebes ho progresu sira, nune’e mos infraestrutura inklui kualidade servisu BTL, E.P nian, liu-liu servisu hirak ne’ebé ekipa DCQA hala’o ona iha laboratóriu BTL, E.P nian.
Fahe ba Sosial Media:
