Manatuto, 18/02/2023, Ekipa Bee Timor-Leste, Empreza Públika (BTL, E.P) halo monitorizasaun ba obra fíziku kona-bá Projetu Melloramentu Sistema Fornesimentu Bee Moos ne’ebé implementa hela iha suku Cribas, postu-administrativu Manatuto villa, munisípiu Manatuto.
Objetivu hosi monitorizasaun ne’e, hodi observa direta progresu servisu fíziku ne’ebé la’o hela iha terrenu, atu bele garante kualidade projetu ne’e rasik, nune’e wainhira obra refere finaliza, populasaun sira bele utiliza to’o tempu naruk.
Tuir ekipa monitorizasaun katak, projetu fíziku daudaun ne’e, foin atinji pursentu 60,3 (60,3%). Tanba instalasaun liña transmisau finaliza ona no dadaun ne’e tékniku hosi kompañia sira ke’e hela hodi instala tan liña distribuisaun bee. Enkuantu projetu refere sei benefisia ba komunidade sira iha suku Cribas no sistema bee ne’e sei transforma ba sistema urbana, iha ne’ebé sei monta mos metru kontadór ba benefisiáriu sira nia hela fatin.
Enkuantu projetu refere implementa hosi kompañia Mercy Unipessoal Lda, ho durasaun tempu fulan neen. No orsamentu ne’ebé gasta ba projetu refere ho montante $ 255,585.95.
Fahe ba Sosial Media:
