𝐃𝐢́𝐥𝐢, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚 𝟏𝟑 𝐉𝐮𝐥𝐥𝐮 𝟐𝟎𝟐𝟔.
Prezidente Komisaun Ezekutiva (KE) BTL, E.P, Gustavo da Cruz, akompana hosi Diretór DEI João da Cruz Cardoso, partisipa iha sorumutu interministeriál kona-bá preparasaun esbosu planu médiu prazu tinan 2027 to’o 2030, ne’ebé realiza iha sala reuniaun Ajénsia Dezenvolvimentu Nasionál, Institutu Públiku (ADN, I.P), Fatuhada.
Sorumutu ne'e, lidera hosi Prezidente Konsellu Administrasaun Fundu Infraestrutura (CAFI, sigla portugés), atuál Ministru Planeamentu no Investimentu Estratéjiku (MPIE), Gastão de Sousa, ho objetivu hodi halo konfirmasaun finál kona-bá esbosu planu médiu prazu Governu nian ba tinan 2027 to’o 2030 iha pilár infraestrutura, nune’e hodi análiza no halo diskusaun, molok aprezenta iha Konsellu Ministrus (KM), atu halo apresiasaun.
Perante sorumutu ne’e, iha mos aprezentasaun hosi tékniku profisionál MPIE nian, ligadu ho esbosu planu médiu prazu tinan 2027-2230 iha pilár infraestruktura, asuntus tranversál sira ligadu ho ordenamentu territóriu no abitasaun.
Reuniaun interministeriál ne’e, marka prezensa mos hosi Primeiru-Ministru (PM), Kay Rala Xanana Gusmão, Ministra Finansas (MF), Vise-Ministru Infraestrutura (VMI) iha Ministériu Obras Públikas, Ministru Transportes no Komunikasoens (MTK) no membru Governu sira seluk, inklui Prezidente Konsellu Aministrasaun hosi Ajénsia Autónoma, Komisaun Nasionál Aprovizionamentu (CNA, sigla portugés), Diresaun Nasionál ba Regulasaun Bee no Saneamentu (DNRAS, sigla portugés) kargu xefia sira hosi Ministériu relevante nomos Asesór sira.
Fahe ba Sosial Media:
