Díli, 21/06/2024, Ekipa Bee Timor-Leste, Empreza Públika (BTL, E.P) kompostu hosi Departamentu Aprovizionamentu no Diresaun Enjeñaria no Investimentu (DEI) hala'o prebid meeting ho kompañia sira, kona-bá projetu pakote supply & installation prefabricated liner tank ba postu-administrativu Maubisse, munisípiu Ainaro no postu-administrativu Fatuberlihu, munisípiu Manufahi. Prebid meeting ne’e, realiza iha salaun enkontru, edifísiu BTL, E.P sentrál, Caicoli.
Prebid meeting ne’e rasik, hodi ko’alia kona-bá prosesu kontinuasaun ba oin, molok implementa projetu ne’e. no Prebid meeting ne'e, hanesan mandatória iha dokumentu konkursu ba projetu sira hotu.
Enkuantu orsamentu ne’ebé prevé ba projetu pakote supply & installation prefabricated liner tank ba postu-administrativu Maubisse, munisípiu Ainaro nian ho montante $ 113,612.48 no fundus ba projetu pakote supply & installation prefabricated liner tank ba postu-administrativu Fatuberlihu, munisípiu Manufahi nian totál $ 159,948.04
Antes ne’e, iha loron 18 to’o 19 fulan ne’e, ekipa DEI lori ona kompañia sira bá hala’o site visit iha fatin konstrusaun tanke rezervatóriu iha postu-administrativu Maubisse no Fatuberlihu, nune’e sira bele observa direta lokalizasaun hirak ne'ebé planea ona atu konstroi no instala tanke rezervatóriu bee moos nian.
Fahe ba Sosial Media:
