Díli, 27/04/2023, Ekipa BTL, EP kompostu hosi Departamentu Aprovizionamentu no Diresaun Enjeñaria no Investimentu (DEI) realiza prebid meeting ho kompañia sira, kona-bá projetu Konstrusaun Sistema Bee Moos no projetu Pakote Supply & Installation Liner Tank, ba iha postu-administrativu Hatolia A, munisípiu Ermera. Prebid meeting ne’e rasik, realiza iha salaun enkontru, edifísiu BTL, E.P sentrál, Caicoli.
Prebid meeting ne’e, hodi ko’alia kona-bá atividade ba prosesu kontinuasaun hosi site visit ne’ebé antes ne’e ekipa DEI ho kompañia sira hala’o ona iha terrenu no prosesu ba oin, molok implementa projetu hirak ne’e, iha Hatolia A.
Projetu Konstrusaun Sistema Bee Moos no projetu Pakote Supply & Installation Liner Tank ne’e, sei benefisia ba komunidade sira, iha postu-administrativu Hatolia A. No sistema bee ne’e rasik, sei transforma ba sistema urbana, iha ne’ebé sei instala ou monta mos metru kontadór ba uma kain sira.
Enkuantu orsamentu ne’ebé sei prevé ba projetu Konstrusaun Sistema Bee Moos ba P.A Hatolia A ho montante $ 645,708.98 no fundus ba projetu Pakote Supply & Installation Liner Tank hamutuk $ 93,627.69.
Antes ne’e, iha loron 25 fulan abril tinan ne’e, ekipa DEI lori ona kompañia sira ne’ebé partisipa iha prosesu tenderizasaun ne’e, bá haree direta fatin projetu konstrusaun sistema bee, fatin instalasaun kanu transmisaun no distribuisaun nomos lokál hodi hatuur ou instala tanke rezervatóriu sira, iha postu-administrativu Hatolia A, atu nune’e wainhira kompañia ne’ebé mak manan tender ba projetu refere, sira bele hatene ona fatin hirak ne’e.
Prebid meeting no site visit hanesan mandatória iha dokumentu konkursu ba projetu konstrusaun no melloramentu sistema fornesimentu bee moos inklui supply & instalasaun materiál sira.
Fahe ba Sosial Media:
