Ermera, 14/09/2023. Iha loron 12 fulan ne’e, Jestór Infraestrutura Bee Timor-Leste, Empreza Públika (BTL, E.P) ho ekipa akompaña hosi Supervizór BTL, E.P nian ne’ebé destakadu iha postu-administrativu Atsabe, halo monitorizasaun ba Projetu Konstrusaun Tanke BPT bee moos no Projetu Pakote Fornesimentu & Instalasaun Prefabricated Liner Tank, iha postu-administrativu Atsabe, munisípiu Ermera.
Atividade monitorizasaun ne'e, hodi haree direta servisu fíziku iha terrenu nomos hodi hatene progresu hosi obra ne'e rasik. Tuir observasaun iha terrenu, tékniku hosi kompañia implementadór rua ne’ebé kaer obra ba projetu Konstrusaun Tanke BPT bee moos no Projetu Pakote Fornesimentu & Instalasaun Prefabricated Liner Tank, halo hela servisu fíziku iha terrenu.
Bazeia ba rezultadu monitorizasaun katak, daudaun ne’e, projetu fíziku kona-bá Konstrusaun Tanke BPT bee moos, foin atinji pursentu 14 (14%). No Projetu Pakote Fornesimentu & Instalasaun Prefabricated Liner Tank, foin atinji pursentu 16 (16%). Enkuantu projetu rua ne’e, wainhira finaliza sei fornese bee ba komunidade sira, iha postu Atsabe.
Fahe ba Sosial Media:
