Díli, 12/12/2025, Diretór Enjeñaria no Investimentu (DEI) Bee Timor-Leste, Empreza Públika (BTL, E.P), João da Cruz Cardoso ho Diretór Operasaun no Manutensaun (DOM), Aleixo dos Santos, akompaña hosi Jestór RP & GIS no Ofisiál Tékniku Kontrolu Kualidade Ambientál BTL, E.P nian, enkontru ho parte 𝑀𝑖𝑙𝑙𝑒𝑛𝑛𝑖𝑢𝑚 𝐶ℎ𝑎𝑙𝑙𝑒𝑛𝑔𝑒 𝐴𝑐𝑐𝑜𝑢𝑛𝑡 Timor-Leste, Institutu Públiku (MCA-TL, I.P), iha sala reuniaun BTL, E.P, Caicoli.
Sorumutu ne’e, hodi informa kona-bá notifikasaun ba terminasaun, programa MCC nian ligadu ho projetu Estasaun Tratamentu Bee Fo’er (ETAR, sigla portugés) ne’ebé lokaliza iha área Bebonuk nian no tuir data ne’ebé fixa ona katak, sei termina iha loron 19 fulan dezembru tinan ne’e.
Iha biban ne’e, parte MCA-TL, I.P atualiza mos kona-bá faze tuir mai, atu entrega dokumentu hirak ne’ebé durante ne’e, konsultór sira elabora no finaliza ona, liu-liu liga ba 𝑏𝑎𝑠𝑖𝑐 𝑑𝑒𝑠𝑖𝑔𝑛, EIS, EMP, 𝑅𝑒𝑠𝑒𝑡𝑡𝑙𝑒𝑚𝑒𝑛𝑡 𝐴𝑐𝑡𝑖𝑜𝑛 𝑃𝑙𝑎𝑛 (RAP) no 𝐶𝑜𝑠𝑡 𝑅𝑒𝑐𝑜𝑣𝑒𝑟𝑦 𝑃𝑙𝑎𝑛.
Relativamente ba terminasaun programa MCC nian ne’e mak ohin, BTL, E.P ho MCA-TL, I.P destake mos, kona-bá prosesu atu hand over dadus ou dokumentu sira ba Governu, liu-liu ba Ministériu Obras Públikas (MOP) no Ministériu Finansas (MF), hodi bele deside no planu ba futuru.
Fahe ba Sosial Media:
