Díli, 18/04/2024, Jestór RP/GIZ, Almeida Boavida ho ekipa, partisipa iha atividade konsultasaun públiku ho parte interesada, autoridade lokál nomos komunidade suku Fatuhada no Kampung Alor. Atividade ne’e rasik realiza iha sede suku Kampung Alor, Díli.
Objetivu hosi atividade ne’e, hodi halo konsultasaun ho komunidade, parte relevante sira nomos autoridade lokál atu hetan rekomendasaun ou sujestaun ruma, nune’e bele tau iha konsiderasaun durante hala’o estudu nomos hosi informasaun ne’ebé hetan hosi konsultasaun ne’e, bele konklui termu referénsia (TOR), molok hakat ba DED.
Alen de ne’e, implementasaun projetu WWTP no kanál distribuisaun esgotu ne’e, iha vantajen boot ba komunidade iha kapitál Díli, tanba atu reduz risku ou moras kontajioza sira ne'ebé mai hosi kontaminasaun fo'er iha bee rai okos.
Enkuantu projetu ne’e rasik, hetan apoiu fundus grant hosi Governu EUA liuhosi MCC ne’ebé servisu hamutuk ho MCA-TL, I.P no tuir planu atu implementa iha Bebonuk Díli.
Durante iha atividade konsultasaun ne’e, tékniku no konsultór hosi Kompañia Internasionál Nicholas O'Dwyer Ltd (NOD) halo mos aprezentasaun kona-bá Termu Referénsia ba partisipante sira ligadu ho saneamentu integradu iha Fatuhada no Kampung Alor.
Entidade ne’ebé partisipa iha konsultasaun públiku ne'e, mai hosi ANLA, I.P, BTL, E.P rasik, MCA-TL, I.P no NOD, Autoridade lokál suku no aldeia.
Fahe ba Sosial Media:
