Díli, 22/04/2024. Ekipa Bee Timor-Leste, Empreza Públika (BTL, E.P) Departamentu Kontrolu Kualidade no Ambiente (DCQA, sigla portugés) simu estudante no professora sira hosi Escola Portuguesa de Díli Rui Cinatti, iha Estasaun Tratamentu Bee (ETA, sigla portugés) Lahane, Díli.
Vizita ne’e hodi observa direta ETA Lahane nomos atu hatene kona-bá prosesu tratamentu sistema bee ba konsumu umanu. Alen de ne’e, vizita refere hanesan atividade estrakurrikulár hosi EPD Rui Cinatti.
Durante iha vizita ne’e, ekipa DCQA esplika ba estudante sira kona-bá koñesimentu báziku ligadu ho prosesu oinsá atu halo tratamentu ba bee iha ETA tuir regulamentu ne’ebé mak eziste nomos aimoruk no materiál hirak ne’ebé utiliza hodi halo tratamentu ba bee, molok fornese bee moos ba konsumidór sira.
Fahe ba Sosial Media:
