Díli, 19/11/2024. Prezidente Komisaun Ezekutivu (KM) Bee Timor-Leste, Empreza Públika (BTL, E.P), Sr. Gustavo da Cruz partisipa iha enkontru koordenasaun ho Diresaun sira no Empreza Públika ne'ebé tutela iha Ministériu Obras Públikas (MOP), iha salaun enkontru MOP, Caicoli.
Reuniaun ne'e, hodi ko'alia kona-bá preparativu balun liga ba komemorasaun Loron Proklamasaun Independénsia Timor-Leste 28 Novembru 2024, ne’ebé sei realiza iha Rejiaun Administrativa Espesiál Oecusse Ambeno (RAEOA). Iha ne’ebé sei iha mos atividade feira ba liña ministeriál sira, tanba ne’e, Diresaun sira iha MOP halo koordenasaun ho Empreza Públika rua, posibilidade hodi koordena ho parte RAEOA atu haree ba preparasaun sira liga ba bee no enerjia elétrika, hodi apoia ba atividade sira iha eventu refere.
Enkuantu Loron Proklamasaun Independénsia Timor-Leste nian ba tinan 2024 ne’e, sei komemora ba dala-49 ho tema “Orgullu ba ita-nia identidade no kultura, ita harii futuru Liberdade, justisa no esperansa bai ta-nia povu”
Fahe ba Sosial Media:
