Manatuto, 04/12/2025, Hafoin finaliza servisu perfurasaun nian, Enjeñeiru hosi Diresaun Enjeñaria no Investimentu (DEI) akompaña kompañia H2O halo teste bombeamentu ou pumping test ba perfurasaun bee, ne’ebé lokaliza iha Postu-administrativu Laleia, Munisípiu Manatuto, durante oras 24, atu bele hatene constant rate bee hosi perfurasaun ne’e.
Durante oras 24 nia laran (24h) halo Pumping test ba perfurasaun ne’e, hatudu rezultadu di’ak, tanba flow rate hosi perfurasaun referidu atinji litru 20 por segundo (20 l/s), nune’e bee iha perfurasaun ne’e bele kanaliza no enxe ba tanke rezervatóriu hodi distribui ba komunidade sira.
Maibé antes atu fornese bee hosi perfurasaun ne’e ba komunidade sira, tenke halo uluk teste iha laboratóriu, atu nune’e bele haree no hatene kualidade bee hosi perfurasaun refere. Tanba ne’e, tékniku hosi Departamentu Kontrolu Kualidade no Ambiente (DCQA, sigla portugés) BTL, E.P nian, foti ona amostra bee iha perfurasaun foun ne’e, hodi halo análize ou teste fíziku, kímiku no bacteriology, hodi garante kualidade bee ba konsumu públiku.
Enkuantu projetu ne’e, implementa hosi kompañia H2O ho totál orsamentu $ 61,321.22 no sistema perfurasaun refere sei fornese bee ba abitante sira, iha PA Laleia
Fahe ba Sosial Media:
