Díli, 24 Fevereiru 2026. Diretór DEI BTL, E.P, João da Cruz Cardoso, akompaña hosi Jestór RP & GIS ho Enjeñeiru DEI, hala’o enkontru téknika ho parte empreza Tsuneishi Timor Shipbuilding, iha sala reuniaun BTL, E.P sentrál, Caicoli.
Enkontru ne’e, hodi atualiza hikas survey jerál ne’ebé antes ne’e, ekipa konjunta realiza ona iha semana kotuk liu ba nomos kontinua deskute detalladamente kona-bá kestaun téknika nian, oinsá atu kanaliza bee ba fatin konstrusaun nian, liu-liu volume bee no fatin konstrusaun sistema bee, nune’e BTL, E.P bele dezeña sistema bee ne’ebé sei fornese ba empreza nee.
Relativamente ba pedidu ne’e, BTL, E.P planeia ona atu halo kontrusaun sistema bee foun, hodi fornese bá empreza Tsuneishi, nune’e hodi fasilita empreza atu implementa projetu konstrusaun estaleiru, iha Postu-administrativu Laleia, Munisípiu Manatuto.
Tuir planu iha tempu besik, ekipa konjunta sei tun fila-fali bá terrenu (PA Laleia), hodi identifika loloos fatin ou pontu ne’ebé atu konstroi no instala sistema bee.
Fahe ba Sosial Media:
