Díli, 02/12/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P) Gustavo da Cruz, hamutuk ho Dirijente sira hosi Ministériu Obras Públika (MOP) no Ajénsia Autónoma sira halo balansu ba dezenvolmentu servisu no ezekusaun Orsamentu Jerál Estadu (OJE) tinan 2025 nomos prepara kondisaun atu hahú ezekuta OJE tinan 2026 nian, ne’ebé aprova ona iha Parlamentu Nasionál (PN). Sorumutu ne’e realiza iha salaun enkontru MOP, Caicoli.
Sorumutu avaliasaun ne’e, prezide hosi S.E Ministru Obras Públika, Samuel Marçal, akompaña hosi S.E Vise-Ministru Infraestrutura, Sekretáriu Estadu Eletrisidade Bee no Saneamentu (SEEAS, sigla portugés) no partisipa hosi Diretór no Diretora Jerál sira inklui intituisaun autónoma sira ne’ebé tutela iha MOP.
Perante sorumutu ne'e, S.E MOP husu ba dirijente sira iha MOP no Ajénsia Autónoma sira, atu servisu maka'as liu tan, kria no hametin liña koordenasaun nomos tenke servisu ho fuan, hodi serví povu liuhosi hakbesik infraestrutura bázika ba povu sira iha baze
Fahe ba Sosial Media:
