Dili, 29 Abríl 2026 – Bee Timor-Leste, E.P. (BTL, E.P.) halo vizita ba fatin produsaun bee galun iha suku Manleuana, Postu Administrativu Metinaro, Munisípiu Dili, hodi observa no avalia kondisaun fasilidade produsaun ne’ebé iha fatin ne’e.
Vizita ne’e lidera hosi Vise-Prezidente Komisaun Ezekutiva (KE) BTL, E.P. ba Asuntu Tékniku, José Filipe Ximenes Smith, akompaña hosi Diretór Operasaun no Manutensaun (DOM), Aleixo dos Santos, hamutuk ho ekipa tékniku.
Objetivu husi observasaun ida ne’e mak atu hare diretu kondisaun uma produsaun no fasilidade ho investimentu ne'ebe dadaun ne'e instala ona, iha fatin ne'e hodi prepara planu manutensaun no asegura produsaun bee galun bele hala’o ho diak, seguru, no tuir padraun servisu.
BTL, E.P. hatudu mós katak iha tinan kotuk liu ba, BTL,E.P. ne’e halo kontratu ho kompaña Oceano Unip Lda. fornese ona Makina no fasilidade produsaun bee galun. Maibé, sei persija kompleta nia makina balun, no ida ne’e sei iha prosesu laran.
Fahe ba Sosial Media:
