Díli, 17/03/2025, Vise-Prezidente Komisaun Ezekutiva BTL, E.P, ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva BTL, E.P, ba Asuntu Korporativu, Sr. Manuel Tomás Amaral de Carvalho, akompana Diretór O&M BTL, E.P, Jestór Infraestrutura BTL, E.P no engiñeiru, hasoru malu ho Xefe Aldeia no Lia nain sira, Iha Terminal Becora, hodi rona komunidade sira nia preokupasaun liga ba bee moos.
Iha sorumutu ne’e, Xefe Aldeia sira, reprezenta komunidade sira informa katak, sistema bee moos iha Becora ne’e,durante fornese bee ba populasaun sira, maibé bee la sufisiente, tamba kauza hosi komunidade individu balun halo ligasaun bee la tuir padraun. Durante ne’e distribui bee ba komunidade sira, maibé bee la konsege kobre hotu ba kada uma kain, nune’e ekipa halo enkontru ne’e, bele buka solusaun ida ne’e.
Tan ne’e, Komisaun Ezekutiva BTL, E.P, responde ba kestaun sira ne’e katak, autoridade lokál organiza komunidade sira, hodi realiza sosializasaun, nune’e BTL, E.P rasik bele partilla informasaun ba abitante, hodi hadi’a sistema kanalizasaun bee refere.
Fahe ba Sosial Media:
