Díli, 29/05/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Sistema Bee Saneamentu no Drenajen, Gustavo da Cruz, hetan audensia hosi Ekipa Plataforma Nasional Bee, Saneamentu no Ijiene Timor-Leste ( PN-BESI TL ), hodi ko’alia kona-bá servisu kordenasaun iha setór bee no saneamentu, enkontru ne’e, hala’o iha Salaun Ezekutiva BTL, E.P, Caicoli.
Hafoin reuniaun ne’e, Kordenador Plataforma PN BESI-TL, Januario Amaral de Jesus Informa, Objetivu husi enkontru entre PN-BESI TL ho BTL, E.P ne’e, atu partilla informasaun liga ba dezenvolvimentu setór bee no saneamentu.
Iha sorumutu ne’e mos ekipa PN-BESI, TL relata foka liu ba pontu prinsipal maka halo kordenasaun no komunikasaun atu hetan apoia hosi parte BTL, E.P, liu-liu sei halo auditoria sosiál ba sistema bee rural iha territóriu nasionál. Iha tinan ne’e PN-BESI, TL hetan fundu husi governu liu hosi Gabinete Apoia Sosiedade Sivil, ne’ebé halo ona auditoria sosiál ba Suku rua, pertense ba Munisípiu Covalima no Suku rua seluk iha Munisípiu Viqueque.
Reuniaun ne’e, hanesan halo kordenasaun no fó koñesimentu ba BTL, E.P nia direjente sira, hodi hametin liu tan servisu koperasaun. Ekipa BN-BESI TL sei tun ba komunidade nia leet, tamba ne’e husu apoia BTL, E.P munisípiu sira nia parte, bele akompaña atividade sira, nune’e wainhira deskobre komunidade sira preokupasaun liga ba bee moos, BTL, E.P rasik bele halo intervensaun imediatu.
PN-BESI, TL nia atividade auditoria sosiál ne’e, hanesan mekanizmu ida ho naran kartaun pontuasaun komunidade hodi dezenvolve setór bee no saneamentu iha Timor-Leste. Além de ne’e mos PN-BESI, TL, iha ámbitu auditoria sosiál ne’e maka halo deskobrementu ruma, sei relata direita ba entidade relevante no BTL, E.P rasik, hodi bele responde ba kestaun hirak ne’e.
Fahe ba Sosial Media:
