Díli, 13/08/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña Diretór DEI BTL, E.P, simu vizita kortejia hosi ekipa Oseanland Timor no Oseanland Survei Indonesia, ne’ebé aprezenta kona-bá sira nia teknolójia hodi utiliza ba servisu iha área bee nian, reuniaun ne’e, realiza iha Salaun KE BTL, E.P, Caicoli.
Iha aprezentasaun ne’e, kompañia sira, aprezenta kona-bá teknolojia mapeamentu área nian laiha ferramenta sasukat velosidade bee nian, ne’ebé importante ba servisu BTL, E.P.
Durante diskusaun ne’e, Prezidente Komisaun Ezekutiva BTL, E.P, hato’o apresiasaun ba aprezentasaun ida ne’e, tamba konsidera interesante tebes, nune’e orienta, bele kontinua halo diskusaun klean ho kompañia Oseanland Timor ho Oseanland Survei Indonesia, kona-bá teknolojia, ne’ebé bele ajuda servisu halo melloramentu ba sistema bee moos, hodi fornese bee ba komunidade sira.
Fahe ba Sosial Media:
