Díli, 30/01/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña husi Diretór DEI BTL, E.P, Jestór RP & GIZ BTL, E.P hamutuk ho ekipa Millennium Challenge Account Timor-Leste, Institutu Públiku, ANLA, I.P parte relevante sira hotu, hodi hala’o enkontru ho autoridade lokál sira husi munisípiu Díli, liu-liu área hirak, ne’ebé hetan afetadu husi projetu ne’e, reuniaun ne’e hala’o iha Hotel Malinamok, Kampun Baru.
Objetivu husi sorumutu ne’e, Grupu Téknika Interministeriál no kompañia Internasional NHICOLAS O’DWYER, nu’udar responsavel ba halo dezeñu kona-bá projetu tratamentu bee foer, ne’ebé sei konstrui iha área Bebonuk.
Husi konsultasaun ho autoridade lokák ida ne’e, atu bele iha koñesimentu ba progresu, liu-liu liga ba projetu ne’e rasik, nune’e ba oin kontinua servisu hamutuk hodi bele rezulta pozitivu ka projetu ida ne’e bele benefisia direita ba populasaun sira.
Projetu ida ne’e, Millennium Challenge Corporation apoia ho orsamentu millaun $ 420 no governu Timor-Leste investe $ 64, hodi dezenvolve saneamentu, drenagen no setór edukasaun.
Projetu ida ne’e, iha sinál pozitivu, ne’ebé atu bele liberta povu husi moras sosiál ho kontamisaun bee, tamba tuir estudu katak, bee iha rai okos barak iha kontaminasaun. Tamba ne’e liu husi projetu ida ne’e, sei halo kanal direita husi uma ba ETAR Bebonuk, halo tiha tratamentu bee foer ne’e mos ona, maka bele halo deskaregamentu ba tasi laran, ho 100 metru.
Fahe ba Sosial Media:
