Lautém, 03/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Lautém hamutuk ho traballadór Mão de Obra halo reparasaun ba válvula DN 150mm, iha suku Fuiloro, postu-administrativu Lospalos, munisípiu Lautém.
Koordenadór BTL, E.P munisípiu Lautém informa, tékniku hamutuk ho traballadór sira hadi'a válvula unidade ida ne'ebé mak aat no intupidu ne'e, tamba sira identifika katak, tohar iha parte eixu nian, maibé hafoin identifika Koordenadór orienta kedas tékniku hamutuk ho traballadór sira tun kedas ba terrenu, hodi troka eixu ne’ebé tohar, hodi garante fornesimentu bee ba konsumidór sira, iha fatin refere.
Tuir informasaun hosi BTL, E.P Lautém katak, ho estragus ne'e, afeta direta ba distribuisaun bee ba komunidade sira, liu-liu abitante sira ne’ebé hela iha bairo Saravika, aldeia Lospala, suku Fuiloro, durante loron tolu, labele asesu ba bee moos, maibé daudaun ne’e komunidade sira iha bairo ne’e, bele asesu hikas ona bee, hafoin ekipa rua ne'e (T.O BTL, E.P no traballadór MdO) normaliza válvula ne’e.
Fahe ba Sosial Media:
