Díli,10/12/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, akompaña hosi Jestór Infraestrutura ho Enjeñeiru BTL, E.P nian, hamutuk ho Sekretáriu Estadu Eletrisidade Bee no Saneamentu (SEEAS, sigla portugés) ho ekipa, monitoriza projetu drenazen D-4, iha Porto Díli.
Atividade monitorizasaun ne’e, hodi observa direta obra fíziku ne’ebe daudaun ne’e la’o hela iha terrenu, nune’e hodi garante kualidade obra ne’e rasik nomos atu hatene progresu implementasaun hosi projetu refere.
Duarante monitorizasaun iha terrenu, Prezidente KE BTL, E.P ho SEEAS solisita ba kompañia implementadór, atu aselera projetu referidu, nune’e belle finaliza tuir tempu ne’ebé determina ona, maibé tenke garante mos nia kualidade, nune’e bele dura to’o tempu naruk, hodi responde ba preokupasaun públiku nian kona-bá inundasaun.
Bazeia ba rezultadu monitorizasaun, obra fíziku drenazen D-4 nian foin atinji 15% no segmentu dahuluk nian, kuaze atu finaliza ona, nune’e iha tempu besik sei hakat ba sesaun daruak nian.
Fahe ba Sosial Media:
