Díli, 06/03/2025. Bee Timor-Leste, Empreza Públika (BTL, E.P) ohin, selebra akordu kooperasaun téknika ho Institutu Politékniku Betano (IPB), ne’ebé realiza iha sala reuniaun Ezekutivu BTL, E.P sentrál, Caicoli.
Akordu kooperasaun ne’e, asina direta hosi Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz ho Prezidente IPB, Prof.Assoc. Acácio Cardoso Amaral, Ph.D, no akompaña hosi Vise-Prezidente KE BTL, E.P ba Asuntu Tékniku, Sr. José Filipe Ximenes Smith, Vise-Prezidente KE BTL, E.P ba Asuntu Korporativu, Sr. Manuel Tomás Amaral de Carvalho, ne’ebé akompaña hosi Diretór Enjeñaria no Investimentu (DEI) Diretór Administrasaun no Finansas (DAF), Diretór Operasaun no Manutensaun (DOM), Vise-Prezidente IPB II, Amâncio Horácio.
Objetivu hosi selebrasaun akordu kooperasaun téknika ne’e, hodi fasilita estudante sira atu realiza sira-nia estájiu profisionál hosi Kursu Konstrusaun Sivil, Eskola Superior Enjeñaria iha empreza públika BTL.
Prezidente KE BTL, E.P hatete, ohin, BTL, E.P hamutuk ho IPB selebra Nota de Intendimentu ou akordu ne’e, hodi loke dalan ba estudante sira hodi hala’o sira-nia estájiu profisionál iha BTL, E.P. Nune’e mos, estájiu profisionál iha empreza públika ne’e, estajiáriu sira sei hala’o servisu direta iha terrenu no iha mos fatin risku balun, tanba ne’e liuhosi akordu refere fahe ona knaar no responsabilidade entre instituisaun rua ne’e, atu asegura seguransa pesoál no lala’ok estajiáriu nian, durante hala’o estájiu iha BTL, E.P.
Ezekutivu ne’e informa, akordu ne’e la’os foin ba dahuluk nian, maibé BTL, E.P mos realiza ona ho ensinu superiór sira seluk, ne’ebé sempre haruka sira-nia estudante sira mai hala’o sira-nia estájiu profisionál iha empreza estatál ne’e.
Fahe ba Sosial Media:
