Díli, 27 Fevereiru 2026. Enjeñeiru hosi DEI BTL, E.P no Koordenadór BTL, E.P Munisípiu Manatuto hamutuk ho empreza Tsuneishi Timor Shipbuilding Unip, Lda hala’o survey téknika ba fatin instalasaun sistema bee ne’ebé sei kanaliza bá lokál konstrusaun estaleiru, iha Postu-administrativu Laleia, Munisípiu Manatuto.
Survey téknika ne’e, hodi identifika loloos fatin ou pontu hirak ne’ebé atu konstroi ou halo perfurasaun foun no instalasaun kanu transmisaun no distribuisaun, hosi rekursu bee nian to’o iha lokál konstrusaun estaleiru nomos fatin konstrusaun tanke nian.
Hafoin survey ne’e, Enjeñeiru DEI sei prepara dezeñu, hodi submete ba Ezekutivu BTL, E.P nian, atu bele hetan aprovasaun, molok hakat ba faze tuir mai.
Rekorda mos katak, planu ba konstrusaun sistema kanalizasaun bee ne’e, atu apoia ou fasilita empreza Tsuneishi Timor Shipbuilding Unip, Lda, hodi implementa projetu konstrusaun estaleiru, iha PA Laleia.
Fahe ba Sosial Media:
