Dili, 04 Agostu 2026 – Ekipa konjunta kompostu husi BTL,E.P ho EDTL, E.P no IGE I.P ne’ebe akompaña hosi Vise-Ministro Insfraestrutura Sr, Julio Do Carmo,halo enkontru ho Ministro Obras Publikas Sr, Samuel Marcal hodi relata rezultadu observasaun ba fatin seremónia selebrasaun 20 Agostu tinan 2026 ne’ebe ekipa konjunta ne’e halo iha Foho Matebian Hun iha postu administraivu Kelikai Segunda semana ne’e.
Durante enkontru Ministro Obras Públika husu ba ekipa konjunta kontinua halo liña kordenasaun diak nune servisu ba preparasaun sira hanesan bemos eletresidade no fatin ba komvidadus sira iha terenu bele preparadu hodi asegura seremónia ne’e lao ho diak to’o remata.
Enkuantu iha loron Segunda semana ne’e ekipa konjunta kompostu BTL,E.P,EDTL,E.P ,IGE .I.P ne’ebe lideradu hosi Vise-Ministro Insfraestrutura Sr, Julio Do Carmo vizita ba postu administrativu Kelikai hodi observa direita ba fatin seremónia ne’ebe dadaun ne’e IGE I.P servisu hamutuk ho Instituisaun Forsa Defeza de Timor-Leste (F-FDTL) hahu kee no ateru hodi prepara ba eventu ne’e iha fatin referida.
Fahe ba Sosial Media:
