Díli, 11/11/2022, Tékniku Operadór (T.O) Bee Timor-Leste, Empreza Públika (BTL, E.P) Zona 5 hamutuk ho estajiáriu UNTL no CNFP Becora finaliza atividade melloramentu ba kanu distribuisaun bee PE 32 NOD, iha área Lahane Ocidental, postu-administrativu Vera Cruz, munisípiu Díli.
Hafoin tékniku operadór Zona 5 ho estajiáriu sira finaliza melloramentu ba kanu distribuisaun ne’ebé ho distánsia kuaze metru 800, hodi liga ba koléjiu Santo Aquino (ICR) iha área Lahane Ocidental, tékniku sira kontinua kedas instala metru kontadór iha fatin ne’e.
Tuir informasaun hosi terrenu katak, hafoin atividade melloramentu ne’e remata, tékniku sira koko distribui bee liuhosi liña distribuisaun ne’e ba iha fatin refere no nia rezultadu hatudu katak, sirkulasaun bee la’o normál, hodi enxe kedas ba sira-nia rezervatóriu rasik.
Esforsu tékniku BTL, E.P operadór Zona 5 no estajiáriu sira, durante loron rua, konsege kanaliza bee ba koléjiu Santo Aquino (ICR) ou koléjiu ne’e bele asesu ona bee moos.
Tékniku operadór sira instala kedas ho metru kontadór ba iha fatin refere, nune’e bele halo kontrolu ba uzu bee lor-loron nian, nune’e labele estraga bee.
Alende ne’e, hafoin melloramentu no distribuisaun bee bai ha fatin ne’e, ohin tékniku operadór Zona 5 kontinua taka rai ne’ebé hodi hakoi liña distribuisau n refere, nune’e bele asegura kanu hirak ne’e atu labele hetan estragus.
Fahe ba Sosial Media:
