Viqueque, 06/01/2023, Tékniku Operadór (TO), Bee Timor-Leste, Empreza Públika (BTL, E.P) munisípiu Viqueque halo manutensaun ba liña transmisaun bee DN 150, iha área suku Loihuno, postu-administrativu Ossu, munisípiu Viqueque.
Tuir informasaun hosi terrenu katak, kanu transmisaun ne’ebé tékniku operadór sira hadi’a ne’e, tanba antes ne’e hetan estragus hosi mota boot, iha tinan kotuk.
Estragu ne’e, hodi rezulta presaun bee kiik, tanba bee balun sulin estraga iha mota, nune’e bee ba komunidade sira kiik, maibé daudaun ne’e tékniku sira halo hela intervensaun, hodi hadi’a kanu refere, nune’e bele garante abastesimentu bee ba komunidade sira.
Koordenadór BTL, E.P Viqueque informa, ohin tékniku sira konsege finaliza manutensaun no rezultadu hosi servisu ne’e di’ak, tanba sirkulasaun bee la’o di’ak ho presaun bee ne’ebé boot. Kanu transmisaun ne’e mak durante ne’e hodi distribui bee ba komunidade sira iha munisípiu Viqueque laran.
Fahe ba Sosial Media:
