Ermera, 12/02/2025, Vise-Prezidente Komisaun Ezekutiva Bee Timor-Leste, Empreza Públika (BTL, E.P), ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva Bee Timor-Leste, Empreza Públika (BTL, E.P), ba Asuntu Korporativu, Sr. Manuel Tomás Amaral de Carvalho, akompana Diretór Diresaun Engenaria no Investimentu Bee Timor-Leste, Empreza Públika, Jestór Infraestrutura BTL, E.P, Engineiru, Kordenadór BTL, E.P.Destakadu Munisípiu Ermera, hala'o sosializazaun informasaun kona-bá projetu melloramentu sistema bee moos ba autoridade sira iha postu administrativu Letefoho, atividade ne'e realiza iha edifísiu administrasaun Letefoho.
Iha intervensaun, Administradór Postu Administrativu Letefoho, agradese ba Ezekutivu Bee Timor-Leste, Empreza Públika, bele hakat mai hodi sosializa informasaun relasiona ho projetu melloramentu sistema bee moos, ne'ebé dadaun ne'e la'o hela.
Administradór ne'e informa, durante akompana servisu ne'e la'o, servisu progresu di'ak tebes, tamba iha kolaborasaun no komunikasaun di'ak entre BTL, E.P, kompania implementador no mos autoridade sira.
Vise-Prezidente Komisaun Ezekutiva Bee Timor-Leste, Empreza Públika, ba Asuntu Tékniku hatete, objetivu prinsipal vizita ida ne'e, maka kontinua partilla informasaun ba administradór postu administrativu, xefe Suku no xefe aldeia sira, hodi hatene progresu servisu ba projetu melloramentu sistema bee moos, ne'ebé la'o hela iha ne'e.
"Ha'u hanoin ita boot sira durante ne'e akompana hela prosesu servisu iha terrenu, tamba saída ami persija hasoru malu ho ita boot sira, ami hasoru ita boot sira, tamba autoridade lokál sira maka hakbesik liu povu, nain ba povu, ita boot sira kaer povu, BTL, E.P nia parte maka oinsa lori bee ba, maibé atu lori bee ba komunidade sira maka la hetan apoia hosi autoridade sira maka BTL, E.P sei la realiza too tarjetu, maibé ita hamutuk maka sei forsa no kbiit tomak hodi hatudu rezultadu pozitivu".
Ezekutivu ne'e afirma, hanesan autoridade sira akompana, servisu fizíku iha terrenu, dadaun ne'e atinji 60% liu, maibé atu aselera liu tan servisu ne'e, lao lais liu tan, maka persija apoia máximu no kontribui ba prosesu hotu. Iha ne'ebé dadaun ne'e konstrui tanke no isntalla sistema transmisaun, hafoin ida ne'e sei halo ligasaun bee ba kada uma kain.
Vise-Prezidente ne'e, kontinua kopera, tamba herói sira luta ba ukun an ne'e, atu halo dezenvolvimentu no halo mudansa ba povu, liu-liu dezenvolve setór bee hakbesik ba komunidade sira iha baze.
Vise-Prezidente Komisaun Ezekutiva Bee Timor-Leste, Empreza Públika, ba Asuntu Korporativu hatete, hasoru malu ho autoridade sira ne'e, oportunidade hodi ko'alia ba malu, oinsa bele sai vizilansia ka halo seguransa ba âmbitu ezekusaun ba obra ne'e la'o hela.
Biban ne'e informa mos katak, dala barak komunidade individu balun halo impedimentu ba dezenvolvimentu, maibé hanesan hotu-hotu hatene katak, rekursu iha rai leten no iha rai okos ne'e estadu maka nain hodi jere rekursu ida ne'e.
Tuir dadus, ne'ebé bazeia ba dezenu no BoQ projetu ida ne'e finaliza sei benefisia ba uma kain hamutuk 880 ho nia populasaun rihun lima resin.
Fahe ba Sosial Media:
