𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟏𝟓 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, hamutuk ho Vise-Prezidente KE BTL, E.P ba Asuntu Tékniku, José Filipe Ximenes Smith no Vise-Prezidente KE BTL, E.P ba Asuntu Korporativu, Manuel Tomás Amaral de Carvalho simu vizita hosi Sekretáriu Estadu Eletrisidade, Bee no Saneamentu (SEEAS, sigla portugés), Santos Noronha ho ekipa, iha edifísiu sentrál BTL, E.P Caicoli.
Vizita ne’e, hodi haree direta kondisaun fatin nomos servisu sira iha BTL, E.P sentrál nian, hafoin SEEAS simu delegasaun kompeténsia hosi Ministru Obras Públikas (MOP), hodi asume responsabilidade atu jere, administra no superviziona BTL, E.P.
Durante vizita ne'e, hala'o mos reuniaun ho Ezekutivu BTL, E.P nian, hodi ko’alia mos kona-bá planu servisu operasionál sira, planu orsamentu nomos intervensaun setór bee nian iha terrenu, halo koordenasaun nomos fó orientasaun servisu balun ne’ebé presiza mellora, nune’e bele la’o rápidu no bele dezenvolve di’ak liu tan iha futuru.
Alen de ne’e, SEEAS vizita mos ba Diresaun idak-idak iha BTL, E.P sentrál, hanesan Diresaun Enjeñaria no Investimentu (DEI) no Diresaun Administrasaun no Finansas (DAF).
Fahe ba Sosial Media:
