Díli, 13/06/2024. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Eng. Carlos Peloi dos Reis, akompaña hosi Vise-Prezidente KE BTL, E.P, ba Asuntu Sistema Bee, Saneamentu no Drenajen, Sr. Gustavo da Cruz, Vise-Prezidente KE BTL, E.P, ba Asuntu Boa Governasaun no Fortalesimentu Institusionál, Sra. Elizabeth Amaral, enkontru ho CEO no Jestór hosi kompañia TeqSuite, iha sala reuniaun Ezekutiva BTL, E.P sentrál, Caicoli.
Vizita kortezia CEO no Jestór hosi kompañia TeqSuite ne’e, hodi kumprimenta Ezekutivu BTL, E.P nian no iha biban ne’e, hodi agradese mos ba estabelesimentu kooperasaun servisu durante ne’e, entre BTL, E.P no parseiru TeqSuite, relativamente ba implementasaun sistema ERP ho naran Oracle-NetSuite.
BTL, E.P apresia no kontente, tanba utilizasaun sistema ne’e, bele fasilita ona servisu BTL, E.P nian no hetan progresu di’ak tebes. Ho nune’e, parte rua sei kontinua koopera, hodi hadi’a di’ak liu tan utilizasaun sistema refere iha futuru.
Fahe ba Sosial Media:
