Díli, 09/07/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P) Sr. Gustavo da Cruz, partisipa iha sesaun traballu ba distribuisaun pakote fiskál Orsamentu Jerál Estadu (OJE), Ministériu Obras Públikas (MOP) tinan 2026 nian, iha salaun enkontru MOP, Caicoli.
Molok distribui pakote fiskál OJE tinan 2026 nian, ba empreza públika, institutu públiku, Gabinete MOP no diresaun sira ne’ebé tutela iha MOP, S.E Ministru Obras Públikas (MOP), Samuel Marçal hatete, karik iha servisu balun ne’ebé mak to’o ohin loron seidauk ezekuta, husu atu esforsu hodi bele ezekuta no finaliza kedas iha tinan ida ne’e, atu nune’e labele lori todan ba tinan oin, ho nune’e, iha pedidu ba pakote adisionál labele boot liu, nune’e bele konvense Komisaun Revizaun Orsamentál (KRO), esensiál liu mak planu tenke klaru, importante no prioridade duni, atu implementa iha tinan oin (2026).
Relativamente ba redusaun orsamentu MOP nian, S.E MOP konsidera, ida ne’e atu bele loke hanoin no halo ezersísiu ida, hodi haree no define ou ta’es didiak planu prioridade sira no husu ba parte hotu-hotu ne’ebé tutela iha MOP, wainhira presiza pakote adisionál, tenke ho justifikasaun ne’ebé forte, hodi bele aprezenta iha KRO.
Fahe ba Sosial Media:
