Díli, 04/04/2023. Vise-Prezidente Komisaun Ezekutiva ba Asuntu Sistema Bee, Saneamentu no Drenajen, Sr. Gustavo da Cruz enkontru ho ekipa hosi Similie, iha edifísiu sentrál BTL, E.P, Caicoli.
Objetivu hosi enkontru ne’e, hodi halo koordenasaun no deskute kle’an kona-bá proposta ne’ebé antes ne’e, parte Similie submete ona mai BTL, E.P kona-bá oinsá uza téknolojia hodi halo monitorizasaun ba sistema bee, iha área balun. Tanba ne’e, ohin ekipa Similie hakarak mai halo diskusaun prelimináriu no konfirmasaun ho BTL, E.P, nune’e bele hetan esplikasaun/feedback hosi BTL, E.P.
Durante iha enkontru ne’e, parte BTL, E.P apresia no BTL, E.P rasik hakarak opta sistema sira ne’e, maibé presiza hetan aprezentasaun ida ne’ebé mak profundu liu, kona-bá nia sustentabilidade no kustu teknolojia ne’e rasik. Tanba ekipa Similie anota feedback sira ne’e, hodi prepara iha tempu tuir mai, sira sei halo aprezentasaun ne’ebé detalla, hodi hetan desizaun finál.
Similie hetan oportunidade no apoiu fundus hosi organizasaun internasionál Imagine H2O Asia, hodi implementa projetu pilotu kona-bá utilizasaun teknolojia hodi monitoriza sistema bee moos.
Enkuantu fatin ne’ebé atu implementa planu pilotu ne’e, identifika ona no sei implementa iha área Delta.
Fahe ba Sosial Media:
