𝐃𝐢́𝐥𝐢, 𝟐𝟕 𝐀𝐛𝐫𝐢𝐥 𝟐𝟎𝟐𝟔.
Bee Timor Leste, Empreza Púbilika (BTL, E.P) ohin, selebra kontratu ho kompañia manan nain sira ne’ebé kompostu hosi kompañia NJZP 18 Unipessoal, Lda JV PT. Dimas Kurnia Jaya, RALAN Lda, LUCRO Unipessoal Lda no LOKOBUI ZACMA Unipessoal, Lda ba implementasaun “Projetu Konstrusaun no Melloramentu Sistema Fornesimentu Bee Moos” iha postu-administrativu haat, hanesan Postu-admministrativu Venilale, Munisípiu Baucau, PA Laclo, Munisípiu Manatuto, PA Letefoho Munisípiu Ermera no PA Remexio Munisípiu Aileu. Seremónia asinatura kontratu ne’e, realiza iha salaun enkontru, edifísiu sentrál BTL, E.P, Caicoli.
Selebrasaun kontratu ne’e, asina direta hosi Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, akompaña hosi Vise-Prezidente KE BTL, E.P ba Asuntu Korporativu, Manuel Tomás Amaral de Carvalho, Diretór DEI, Jestór RP & GIS, Jestór Infraestrutura no Legál, Koordenadór/a BTL, E.P Munisípiu haat ho ekipa BTL, E.P Nasionál nomos partisipa ou testemuña hosi Administradór Postu-administrativu Venilale, Laclo, Letefoho no Remexio inklui lideransa komunitária sira.
Planu implementasaun projetu melloramentu no konstrusaun sistema fornesimentu bee moos, iha Postu-administrativu haat ne’e importante tebes ho nia finalidade atu habesik sistema bee ba área urbana nomos hodi aumenta asesu bee moos ba komunidade no suporta dezenvolvimentu sustentavel.
Molok asina kontratu, Prezidente K.E BTL, E.P husu ba kompañia manan na’in sira, atu asegura konfiansa ne’ebé BTL, E.P fó, nune’e bele finaliza projetu tuir termu kontratu ne’ebé iha no tenke garante kualidade obra sira.
“𝐻𝑜𝑠𝑖 𝑝𝑟𝑜𝑠𝑒𝑠𝑢 𝑎𝑑𝑚𝑖𝑛𝑖𝑠𝑡𝑟𝑎𝑡𝑖𝑣𝑎𝑚𝑒𝑛𝑡𝑒 𝑝𝑎𝑖𝑛𝑒𝑙 𝑠𝑖𝑟𝑎 ℎ𝑎𝑙𝑜 𝑎𝑣𝑎𝑙𝑖𝑎𝑠𝑎𝑢𝑛 𝑏𝑎 𝑝𝑟𝑜𝑗𝑒𝑡𝑢 𝑠𝑖𝑟𝑎, 𝑑𝑜𝑘𝑢𝑚𝑒𝑛𝑡𝑢 𝑝𝑟𝑜𝑗𝑒𝑡𝑢 𝑠𝑖𝑟𝑎 𝑘𝑢𝑎𝑧𝑒 𝑖𝑡𝑎 𝑏𝑜𝑜𝑡 𝑠𝑖𝑟𝑎 𝑚𝑎𝑘 𝑡ℎ𝑒 𝑏𝑒𝑠𝑡 𝑏𝑎 𝑖𝑚𝑝𝑙𝑒𝑚𝑒𝑛𝑡𝑎𝑠𝑎𝑢𝑛, 𝑖𝑡𝑎 𝑏𝑜𝑜𝑡 𝑠𝑖𝑟𝑎 𝑚𝑎𝑘 ℎ𝑎𝑛𝑒𝑠𝑎𝑛 𝑚𝑎𝑛𝑎𝑛 𝑛𝑎𝑖𝑛 𝑏𝑎 𝑝𝑟𝑜𝑗𝑒𝑡𝑢 𝑛𝑒’𝑒𝑏𝑒́ ℎ𝑜 𝑣𝑎𝑙𝑜́𝑟 𝑑𝑖’𝑎𝑘, 𝑛𝑢𝑛𝑒’𝑒 𝑜ℎ𝑖𝑛 𝑖𝑡𝑎 𝑠𝑒𝑙𝑒𝑏𝑟𝑎 𝑘𝑜𝑛𝑡𝑟𝑎𝑡𝑢 𝑖𝑑𝑎 𝑛𝑒’𝑒, ℎ𝑒𝑖𝑛 𝑘𝑎𝑡𝑎𝑘 𝑖ℎ𝑎 𝑖𝑚𝑝𝑙𝑒𝑚𝑒𝑛𝑡𝑎𝑠𝑎𝑢𝑛 𝑚𝑜𝑠 𝑠𝑒𝑖 ℎ𝑎𝑡𝑢𝑑𝑢 𝑛𝑎𝑓𝑎𝑡𝑖𝑛 𝑡ℎ𝑒 𝑏𝑒𝑠𝑡 𝑏𝑎 𝐵𝑇𝐿, 𝐸.𝑃. 𝑇𝑎𝑛𝑏𝑎 𝑖ℎ𝑎 𝑒𝑠𝑝𝑒𝑟𝑖𝑒́𝑛𝑠𝑖𝑎 ℎ𝑎𝑡𝑢𝑑𝑢, 𝑏𝑎𝑟𝑎𝑘 𝑖ℎ𝑎 𝑑𝑜𝑘𝑢𝑚𝑒𝑛𝑡𝑢 𝑡ℎ𝑒 𝑏𝑒𝑠𝑡, 𝑚𝑎𝑖𝑏𝑒́ 𝑖ℎ𝑎 𝑛𝑖𝑎 𝑖𝑚𝑝𝑙𝑒𝑚𝑒𝑛𝑡𝑎𝑠𝑎𝑢𝑛 𝑘𝑢𝑎𝑧𝑒 𝑙𝑎𝑖ℎ𝑎 𝑝𝑟𝑜𝑔𝑟𝑒𝑠𝑢 𝑛𝑒’𝑒𝑏𝑒́ 𝑠𝑖𝑔𝑛𝑖𝑓𝑖𝑘𝑎𝑡𝑖𝑣𝑢. 𝑆𝑒𝑔𝑢𝑛𝑑𝑢 𝑖ℎ𝑎 𝑘𝑜𝑛𝑡𝑟𝑎𝑡𝑢 𝑛𝑒’𝑒, 𝑖ℎ𝑎 𝑘𝑜𝑛𝑘𝑜𝑟𝑑𝑎́𝑛𝑠𝑖𝑎 𝑒𝑛𝑡𝑟𝑒 𝑝𝑎𝑟𝑡𝑒 𝑟𝑢𝑎, 𝑝𝑎𝑟𝑡𝑒 𝑝𝑟𝑖𝑚𝑒𝑖𝑟𝑢 𝑚𝑎𝑘 𝐵𝑇𝐿, 𝐸.𝑃 ℎ𝑎𝑛𝑒𝑠𝑎𝑛 𝑛𝑎’𝑖𝑛 𝑏𝑎 𝑝𝑟𝑜𝑗𝑒𝑡𝑢 𝑛𝑜 𝑝𝑎𝑟𝑡𝑒 𝑠𝑒𝑔𝑢𝑛𝑑𝑢 𝑚𝑎𝑘 𝑘𝑜𝑛𝑡𝑟𝑎𝑡𝑜́𝑟 𝑠𝑖𝑟𝑎 ℎ𝑎𝑛𝑒𝑠𝑎𝑛 𝑖𝑚𝑝𝑙𝑒𝑚𝑒𝑛𝑡𝑎𝑑𝑜́𝑟 𝑏𝑎 𝑝𝑟𝑜𝑗𝑒𝑡𝑢. 𝐼ℎ𝑎 𝑘𝑜𝑛𝑡𝑟𝑎𝑡𝑢 𝑛𝑒’𝑒 ℎ𝑎𝑡𝑢𝑢𝑟 𝑘𝑙𝑎́𝑢𝑧𝑢𝑙𝑎 ℎ𝑖𝑟𝑎𝑘 𝑛𝑒’𝑒𝑏𝑒́ 𝑚𝑎𝑘 𝑠𝑎𝑖 𝑟𝑒𝑠𝑝𝑜𝑛𝑠𝑎𝑏𝑖𝑙𝑖𝑑𝑎𝑑𝑒 𝑏𝑎 𝑒𝑚𝑝𝑟𝑒𝑧𝑎 𝑛𝑖𝑎𝑛 𝑛𝑜𝑚𝑜𝑠 𝑜𝑏𝑟𝑖𝑔𝑎𝑠𝑎𝑢𝑛 𝑠𝑖𝑟𝑎 𝑛𝑒’𝑒𝑏𝑒́ 𝑒𝑚𝑝𝑟𝑒𝑧𝑎 𝑡𝑒𝑛𝑘𝑒 ℎ𝑎𝑙𝑜 𝑛𝑜 𝑑𝑖𝑟𝑒𝑖𝑡𝑢 𝑒𝑚𝑝𝑟𝑒𝑧𝑎 𝑛𝑖𝑎𝑛. 𝐻𝑜𝑠𝑖 𝑒𝑠𝑝𝑒𝑟𝑖𝑒́𝑛𝑠𝑖𝑎 𝑛𝑒’𝑒𝑏𝑒́ ℎ𝑎𝑡𝑢𝑑𝑢, 𝑑𝑎𝑙𝑎𝑟𝑢𝑚𝑎 ℎ𝑜𝑠𝑖 𝑝𝑎𝑟𝑡𝑒 𝑠𝑒𝑔𝑢𝑛𝑑𝑢 (𝑘𝑜𝑚𝑝𝑎𝑛̃𝑖𝑎) 𝑙𝑎 𝑒𝑧𝑒𝑘𝑢𝑡𝑎 𝑛𝑖𝑛𝑖𝑎 𝑜𝑏𝑟𝑖𝑔𝑎𝑠𝑎𝑢𝑛, 𝑚𝑎𝑖𝑏𝑒́ 𝑒𝑗𝑖𝑧𝑒 𝑑𝑒’𝑖𝑡 𝑠𝑖𝑟𝑎-𝑛𝑖𝑎 𝑑𝑖𝑟𝑒𝑖𝑡𝑢, 𝑖𝑑𝑎 𝑛𝑒’𝑒 𝑝𝑟𝑒𝑠𝑖𝑧𝑎 𝑡𝑎𝑢 𝑎𝑡𝑒𝑛𝑠𝑎𝑢𝑛. 𝐻𝑢𝑠𝑢 𝑏𝑎 𝐷𝑖𝑟𝑒𝑡𝑜́𝑟 𝑘𝑜𝑚𝑝𝑎𝑛̃𝑖𝑎 𝑠𝑖𝑟𝑎 𝑎𝑡𝑢 𝑙𝑒𝑒 𝑛𝑜 𝑑𝑖𝑑𝑖’𝑎𝑘 𝑘𝑜𝑛𝑡𝑟𝑎𝑡𝑢 𝑠𝑖𝑟𝑎, 𝑛𝑢𝑛𝑒’𝑒 𝑏𝑒𝑙𝑒 𝑒𝑛𝑡𝑒𝑛𝑑𝑒 𝑙𝑎𝑙𝑎’𝑜𝑘 𝑘𝑜𝑛𝑡𝑟𝑎𝑡𝑢 𝑛𝑖𝑎𝑛, 𝑡𝑎𝑛𝑏𝑎 𝑘𝑜𝑛𝑡𝑟𝑎𝑡𝑢 𝑛𝑒’𝑒 𝑏𝑎𝑧𝑒 𝑙𝑒𝑔𝑎́𝑙 𝑛𝑜 𝑣𝑎𝑙𝑒 𝑙𝑖𝑢 𝑑𝑒𝑘𝑙𝑎𝑟𝑎𝑠𝑎𝑢𝑛 ℎ𝑜𝑡𝑢-ℎ𝑜𝑡𝑢. 𝐻𝑜 𝑛𝑢𝑛𝑒’𝑒 ℎ𝑢𝑠𝑢 𝑏𝑎 𝑘𝑜𝑚𝑝𝑎𝑛̃𝑖𝑎 𝑎𝑡𝑢 ℎ𝑎𝑟𝑒𝑒 𝑑𝑖𝑑𝑖𝑎’𝑎𝑘 𝑘𝑜𝑛𝑡𝑟𝑎𝑡𝑢 𝑟𝑒𝑓𝑒𝑟𝑒, 𝑛𝑢𝑛𝑒’𝑒 𝑙𝑎 𝑝𝑟𝑒𝑗𝑢𝑑𝑖𝑘𝑎 𝑖ℎ𝑎 𝑛𝑖𝑎 𝑖𝑚𝑝𝑙𝑒𝑚𝑒𝑛𝑡𝑎𝑠𝑎𝑢𝑛”.
Prezidente KE BTL, E.P destake mos tempu ba implementasaun obra nian, maibé ho situasaun iha Médiu Oriente, sei fó impaktu ba mobilizasaun materiál hosi rai liur mai Timor, tanba ne’e husu atu halo aproximasaun no koordenasaun, nune’e mobilizasaun prontu iha terrenu, hodi kontinua ba lansamentu projetu.
Ezekutivu BTL, E.P rekomenda mos ba kompañia wainhira iha faze implementasaun presiza halo koordenasaun ho enjeñeiru BTL, E.P nian iha terrenu, liu-liu iha Postu-administrativu sira ne’ebé mak afeta ba projetu melloramentu no alargamentu estrada, atu nune’e bele koloka kanu kanalizasaun sira ho didi’ak no ajusta kanu iha estrada ninin, nune’e ba futuru labele fó impaktu ba kanu sira.
Ezekutivu BTL, E.P husu ba Administradór Postu haat nomos xefe suku sira atu hamutuk ho BTL, E.P tau matan ba projetu sira, nune’e bele finaliza obra refere tuir tempu ne’ebé mak sita ona iha kontratu.
Administradór Postu-administativu Remexio agradese kle’an tebes ba Prezidente, Vise no ekipa BTL, E.P tomak, tanba bele foti PA Remexio, hodi implementa programa BTL, E.P nian iha Postu ne’e no hato’o mos sira-nia prontu atu koopera ba servisu hotu.
Administradór Remexio husu ba BTL, E.P atu nafatin tau matan iha faze implementasaun nian no rekomenda ba kompañia wainhira to’o tempu atu hahú implementa projetu ne’e, tenke prepara hodi realiza uluk seremónia kulturál nian, tanba bee sensitivu no liga ho natureza, nune’e bele garante nia sustentabilidade.
Nune'e mos, Autoridade Lokál hosi P.A Laclo orgullu no apresia tebes tanba BTL, E.P bele konvida hodi marka prezensa no sai sasin ba selebrasaun kontratu ba projetu bee nian. Administradór konsidera prezensa Autoridade lokál no lideransa suku sira iha seremónia ida ne’e, hanesan parte ida oinsá atu bele akompaña malu hala’o servisu sira iha terrenu. Hanesan Autoridade Lokál sempre prontu iha tempu saida de’it, atu kolabora ho kompañia ou setór privadu sira ne’ebé nudár parseiru Estadu nian, atu nue’e bele garante investimentu iha nível Postu bele la’o ho susesu no bele fó benefísiu ba populasaun sira.
Liga ba parte kulturál nian, Administradór PA Laclo hatete rekursu bee ne'e, rekursu ida ne’ebé iha valór kulturamente nune’e husu ba kompañia atu kolabora, apoia no hakbiit malu hodi bele realiza seremónia rituál, atu nune’e bele fó susesu iha ninia atividade konstrusaun no kanalizasaun nomos bele garante ninia sustentabilidade rekursu bee labele maran.
Administradór PA Laclo rekomenda ba BTL, E.P wainhira implementasaun no utilizasaun sistema ne’e iha reseitas no iha ninia sustentabilidade, rekomenda atu espande tan sistema bee no mellora rekursu bee ne’ebé rurál ba sistema urbana, hodi aumenta reseitas bee iha nível Munisípiu.
Administradór PA Letefoho agradese tebes ba BTL, E.P no importante liu rekomenda ba kompañia manan nain ne’ebé ohin asina ona kontratu, wainhira atu hala’o servisu iha terrenu, tenke hala’o ho responsabilidade, atu nune’e bele fó benefísiu ba komunidade iha PA Letefoho, liu-liu ba uma kain 700-resin. Hanesan Autoridade prontu no nafatin hein prezensa kompañia nian iha terrenu, nune’e bele servisu hamutuk iha futuru.
Administradór PA Venilale hatete, Postu Venilale hosi uluk to’o ohin loron, foin primeira vez BTL, E.P implementa nia projetu ida ne’e, tanba ne’e agradese ba BTL, E.P no hato’o nia prontidaun atu servisu hamutuk ho BTL, E.P no kompañia manan nain, nune’e bele garante no asegura projetu ne’e susesu iha futuru, tanba komunidade sira presiza tebes bee.
Projetu Melloramentu Sistema Fornesimentu Bee Moos ne’ebé sei implementa iha Postu-adminsitrativu Venilale, munisípiu Baucau nian, sei implementa hosi kompañia NJZP 18 Unipessoal, Lda JV PT. Dimas Kurnia Jaya no orsamentu ne’ebé prevé ba projetu refere ho montante $ 1,381,495.71 Projetu refere sei kobre iha PA Venilale, liu-liu suku Fatulia, Uailaha no Uatuhaco ne’ebé sei benefisia ba uma kain 1000 nomos sei fornese bee ba instituisaun sira hanesan, Administrasaun PA Venilale, sentru saúde, eskola, parókia, eskuadra polísia no merkadu.
Enkuantu Projetu Melloramentu Rede Kanu Kanalizasaun ba P.A Laclo, munisípiu Manatuto nian, sei ezekuta hosi kompañia RALAN Lda, ho totál fundus $ 315,996.86 Projetu ne’e mos sei kobre Postu Laclo Vila, liu-liu suku Laku-Mesak, aldeia Tahagamu no Readodok ho totál uma kain 400 no populasaun 2400 inklui sei fornese mos bee ba edifísiu públiku sira ne’ebé perténsia hanesan Administrasaun PA Laclo, sentru saúde, eskuadra polísia, merkadu no eskola.
No kompañia LUCRO Unipessoal Lda sei kaer Projetu Melloramentu Sistema Fornesimentu Bee moos iha P.A Letefoho, munisípiu Ermera ho kustu ne’ebé prevé ba obra ne’e hamutuk $ 539,547.73 Projetu ne’e sei kobre suku rua hanesan suku Katrai-Kraik, no suku Dukurai ho benefisiáriu hamutuk uma kain 753 no totál populasaun 4.518, inklui sei fornese mos bee ba fasilidade públika.
Nune’e mos, Projetu Melloramentu Sistema Fornesimentu Bee Moos ne’ebé sei implementa iha P.A Remexio Vila, munisípiu Aileu nian, sei implementa hosi kompañia LOKOBUI ZACMA Unipessoal, Lda, ho totál orsamentu $ 402,430.78 Projetu ne’e sei kobre suku rua hanesan suku Asumau no suku Karahili ho uma kain 256 ho nia populasaun 1536, inklui sei fornese mos bee ba fasilidade públika
Projetu konstrusaun no melloramentu ne’ebé sei implementa iha Postu-administrativu haat ne’e, sei utiliza sistema bee urbana, iha ne’ebé sei kanaliza bee ba uma kain ida-idak nomos sei monta metru kontadór, nune’e kliente sira bele konstribui reseitas ba Estadu.
Fahe ba Sosial Media:
