Viqueque, 03/05/2024, Diretór Diresaun Engeñaria no Investimentu BTL, E.P, João da Cruz Cardoso, akompaña Jestór Infraestrutura BTL, E.P, Engeñeiru, Kordenadór BTL, E.P Munisípiu Viqueque ho ekipa, enkontru ho Administradór Postu Administrativu Uatucarbau, Xefe Suku, Xefe Aldeia, Komandante PNTL Esquadra PA Uatucarbau no Komunidade sira, husi Suku Rua hanesan, Uani Uma no Irabi de Baixo, kona-bá problema sosiál, ne’ebé iha impedementu ba projetu imlementasaun projetu sistema fornesimentu bee moos, iha Postu Administrativu Uatucarbau.
Ekipa BTL, E.P lidera husi Diretór Diresaun Engeñaria no Investimentu BTL, E.P, to’o iha postu Administrativu hasoru malu ho autoridade no komunidade sira, hodi bele esplika BTL, E.P nia papel, regras no prosesu sira, ,molok promove projetu bee mos iha fatin-fatin.
iha biban ne’e, Diretór Diresaun Engeñaria no Investimentu BTL, E.P hatete, too mai faze ida, atu implementa projetu bee moos ida ne’e, liu husi prosesu naruk ida, ekipa engeñeiru sira mai halo levantamentu dadus, prepara dezeñu, BoQ, loke konkursu tenderizasaun, ne’ebé ikus kompañia vensedor iha ona, atu implementa projetu ida ne’e.
“prosesu hotu-hotu, ne’ebé ami halo too iha faze ida ne’e, mesak timor oan de’it maka halo, tamba ne’e hanesan prinsipiu ida uluk Na’i Veteranu sira luta luta hodi manan independensia, nune’e ohin loron ho luta nain sira nia apoia maka servisu hamutuk kontribui, hodi liberta povu ba dezenvolvimentu, liu husi setór bee no saneamentu, ne’eb’e adekuadu ba populasaun sira iha territóriu nasionál no inklui komunidade sira iha Postu Uatucarabau rasik”.
Diretór ne’e akresenta tan, projetu ida ne’e implementa iha postu administrativu barak ona, problema sosiál barak, maibé ho kontribuisaun husi komunidade sira nia komprensaun no kolaborasaun tomak, maka projetu hanesan iha Postu Vemasse, Tutuala, Cailaco, Suku Cribas, konsege inaugura ona, ne’ebé dadaun ne’e komunidade sira asesu bee ho regular (24 horas).
Projetu ida ne’e, wainhira implementa sei benefiasia ba abitante sira, ne’ebé pertense ba Postu Administrativu ida ne’e, kauze uma kain rihun ida no mos sei kanaliza bee ba edifísiu públiku sira hanesan, Postu Saúde, Postu PNTL, Igreja no Eskola.
“Hanesan inan no aman sira vida agrikultura dúvida hela kona-bá bee, ne’ebé maka BTL, E.P sei foti iha bee matan Waibati, sei fó impaktu natar, nune’e ekipa esplika tuir tékniku katak, bee matan refere, iha volume 45 l/s, maibé BTL, E.P sei foti de’it 15 l/s, siknifika 30 l/s sei kontinua tuir nia dalan, hodi responde ba natar iha área refere.
Ho esplikasaun ne’e, parte Autoridade no komunidade sira intende didi’ak ona prosesu ida ne’e no konsege rezolve ona komunidade sira nia dúvida durante ne’e. ho ekipa BTL, E.P nia prejensa ne’e, meius ida kordena, aproxima husi komunidade too iha Autoridade sira, hodi nune’e kompañia manan nain, wainhira tun ba terrenu implementa obra ne’e, labele iha ona impedimentu ruma husi parte balun.
Iha reuniaun ne’e, Administradór no Xefe sira iha prontidaun, atu apoia no hakarak tebes servisu hamutuk, hodi bele finaliza projetu bee moos ida ne’e, atu bele fasilita komunidade sira.
Fahe ba Sosial Media:
