Díli, 28/12/2022, Ekipa BTL, EP kompostu hosi Departamentu Aprovizionamentu no Diresaun Enjeñaria no Investimentu (DEI) realiza prebid meeting ho kompañia sira, kona-bá projetu konstrusaun fornesimentu sistema bee moos no suplly & installation prefabricated liner tanks, ba postu-administrativu Fatullulik, munisípiu Covalima. Prebid meeting ne’e rasik, realiza iha salaun enkontru, edifísiu BTL, E.P sentrál, Caicoli.
Prebid meeting ne’e, hodi ko’alia kona-bá atividade kontinuasaun hosi site visit ne’ebé antes ne’e ekipa DEI ho kompañia sira hala’o ona iha terrenu no prosesu ba oin, molok implementa projetu refere, iha Covalima.
Sistema bee ne’ebé sei implementa iha postu-administrativu Fatululik ne’e, sei transforma ba sistema urbana, iha ne’ebé sei instala mos metru kontadór ba uma kain ida-idak nomos sei instala rezervatóriu tolu ne’ebé ho nia kapasidade 170m3 unidade ida no kapasidade 100m3 unidade rua, nune’e hodi enxe ou akumula bee, nune’e bele fornese hikas ba komunidade sira, iha postu Fatululik, munisípiu Covalima.
Antes ne’e, iha loron 21 to’o 22 fulan dezembru ekipa DEI lori kompañia sira ne’ebé partisipa iha prosesu tenderizasaun ne’e, ba haree lokalizasaun rekursu bee, liña ne’ebé sei instala kanu transmisaun no distribuisaun inklui fatin hodi instala tanke rezervatóriu tolu ne’e. Nune’e wainhira kompañia ne’ebé mak manan ona tender ba projetu ne’e bele hatene ona fatin hirak ne’e.
Entretantu orsamentu ne’ebé sei prevé ba projetu konstrusaun fornesimentu sistema bee moos ne’e hamutuk $ 480,422.61. Enkuantu ba supply & installation prefabricated liner tanks nian, hamutuk $ 158,392.25.
Prebid meeting no site visit hanesan mandatória iha dokumentu konkursu ba projetu konstrusaun no melloramentu sistema fornesimentu bee moos inklui supply & instalasaun materiál sira.
Fahe ba Sosial Media:
