Díli, 16/11/2022, Hafoin remata atividade site visit, iha postu-administrativu Laclubar, munisípiu Ataúro, ohin ekipa Téknika hosi Aprovizionamentu no Diresaun Enjeñaria no Investimentu (D.E.I) hamutuk ho Departamentu Kontrolu Kualidade no Ambiente (DCQA) Bee Timor-Leste, Empreza Públika (BTL, E.P) hala’o prebit meeting ho kompañia sira, kona-bá projetu Konstrusaun Fornesimentu Sistema Bee Moos no Supply and Installation Prefabricated Liner Tank, ne’ebé sei implementa iha postu-administrativu Laclubar, munisípiu Manatuto.
Prebid Meeting ne’e, hodi ko’alia kona-bá prosesu kontinuasaun hosi site visit no faze sira tuir mai, relasiona ho projetu Konstrusaun Fornesimentu Sistema Bee Moos no Supply and Installation Prefabricated Liner Tank, ne’ebé sei implementa iha munisípiu Ataúro.
Atividade site visit ho prebid meeting ne’e, hanesan rekezitu mandatória iha dokumentu konkursu ba projetu konstrusaun no melloramentu sira.
Entretantu projetu Konstrusaun Fornesimentu Sistema Bee Moos no Supply and Installation of Prefabricated Liner Tanks ne’e, sei implementa iha postu-administrativu Laclubar, munisípiu Manatuto, liu-liu ba iha suku tolu, hanesan suku Orlalan, Batara no Mane-Lima no sei instala mos torneira públika rua ne’ebé sei benefisia ba uma kain 292.
Entretantu rekursu bee ne’ebé sei kanaliza ba postu-administrativu refere, sei dada hosi bee matan tolu hanesan Hatuhada, Lean-Bau no Ai-uluk, alende ne’e, sei instala mos tanke rezervatóriu haat ho nia kapasidade 120m3, 100m3, 76m3 no 55m3 inklui tanke BPT haat ho nia kapasidade 6m3.
Fahe ba Sosial Media:
