Díli, 08/08/2024. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), ba Asuntu Sistema Bee, Saneamentu no Drenajen, Sr. Gustavo da Cruz akompaña hosi Diretór Operasaun no Manutensaun (DOM), Diretór Administrasaun no Finansas (DAF), Jestór Departamentu Apoiu Kliente (DAK) partisipa iha workshop nasionál kona-bá analiza no avaliasaun global ba bee no Saneamentu iha Timor-Leste 2024, ne'ebé realiza iha sala konferénsia Hotel Timor, Díli.
Workshop ne'e, realiza hosi Ministériu Saúde no apoia hosi Organizasaun Mundiál Saúde no abertura direta hosi Vise-Ministru Saúde ba Operasionalizasaun Ospitál, ho objetivu atu introduz siklu GLAAS (Global Analysis and Assessment of Sanitation and Drinking Water) 2024 no benefísiu hosi GLAAS ba nasaun sira no ba monitorizasaun nasionál, rejionál no global, atu fornese informasaun detallu ba governu kona-bá prosesu GLAAS, materiál sira ne’ebé disponível no orientasaun espesífiku sira kompleta levantamentu GLAAS, liu-liu iha área governasaun, monitorizasaun, finansas no rekursu umanu nomos atu hatan pergunta sira kona-bá siklu GLAAS 2024
Partisipa iha workshop nasionál ne’e, maihosi entidade relevante sira hanesan Ministériu Administrasaun Estatál, MOP, BTL, E.P, DNRAS, MS, Unicef, WHO no konvidadu relevante sira seluk.
Fahe ba Sosial Media:
