Díli, 23/10/2023. Prezidente Komisaun Ezekutiva (KE) Bee Timor-Leste Empreza Públika (BTL, EP), Eng. Carlos Peloi dos Reis, akompaña hosi Vise-Prezidente KE BTL, E.P ba Asuntu Sistema Bee, Saneamentu no Drenajen, Sr. Gustavo da Cruz, Vise-Prezidente KE BTL, E.P ba Asuntu Boa Governasaun no Fortalesimentu Institusionál, Sra. Elizabeth Amaral no Jestora Administrasaun no Finansas, partisipa iha Sesaun Justifikasaun Orsamentu Adisionál Orsamentu Jerál Estadu (OJE) 2024. Sesaun ne'e rasik, lidera hosi S.E Ministru Obras Públikas (MOP), Sr. Samuel Marçal no akompaña hosi Vise-Ministru Infraestrutura (VMI), Sr. Júlio do Carmo, ne'ebé realiza iha salaun enkontru, Ministériu Obras Públikas (MOP), Caicoli, Díli.
Sesaun ne’e, hodi esplika ou partilla justifikasaun sira kona-bá orsamentu adisionál iha OJE tinan 2024 nian ba S.E MOP molok hakat ba iha reuniaun Komité Revizaun Orsamentu-KRO 2024 ne’ebé sei realiza iha loron 26 fulan outubru tinan ne’e.
Iha biban ne’e, BTL, E.P halo mos aprezentasaun kona-bá Progresu Ezekusaun OJE 2023, Planu Asaun no OJE 2024 nian. Inklui aprezentasaun hosi Empreza, Institutu no Diresaun sira seluk.
Entidade sira ne’ebé partisipa iha sesaun ne’e, mai hosi Empreza, Institutu no Diresaun sira ne’ebé tutela iha MOP.
Fahe ba Sosial Media:
