Díli, 10/10/2023, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Eng. Carlos Peloi dos Reis, partisipa iha sesaun Fahe Pakote Fiskál, Orsamentu Jerál Estadu (OJE) 2024 nian. Sesaun ne’e, lidera hosi S.E Ministru Obras Públika (MOP), Samuel Marçal, iha salaun enkontru, Ministériu Obras Públikas (MOP),
Molok distribui Pakote Fiskál OJE 2024 nian, ba diresaun ne’ebé tutela iha MOP no Empreza Públika sira, S.E MOP hatete “efikaz iha planeamentu no efisiénsia iha ezekusaun” tanba ne’e, husu ba parte hotu, presiza haree didi’ak ba asuntu ou planu servisu ne’ebé mak konsidera importante no prioridade liu, hodi realiza ou ezekuta iha tinan ne’e no asuntu ne’ebé sei bele realiza iha tinan oin, bele muda ba tinan oin. Hein katak ho pakote fiskál ne’ebé oitoan, bele iha rezultadu ne’ebé di’ak.
Iha okaziaun ne’e, parte DNOF aprezenta mos kalendáriu elaborasaun OJE 2024 MOP nian, atu nune’e bele prepara no finaliza tuir data ne’ebé sita ona, molok submete ba Ministériu Finansas (MF). No atu ensera, S.E MOP distribui pakote fiskál ba Diresaun no Empreza Públika sira.
Partisipa iha sesaun ne’e, mai hosi Diretór-Jerál no Nasionál sira, Prezidente Empreza Públika sira, Xefe Gabinete no Xefe Unidade, inklui Pontu Fokál Planu no Finansas sira.
Fahe ba Sosial Media:
