Dili, 04/12/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, partisipa iha seremónia inaugurasaun Kampu Futsal Multi Funsaun Xananai, ne'ebé lokaliza iha Delta 4, Aldeia São José, Suku Comoro, Postu-administrativu Dom Aleixo.
Kampu futsal ne’e, inaugura direta hosi Primeriu-Ministru (PM), Kay Rala Xanana Gusmão no akompaña hosi Ministru Obras Públikas (MOP), Samuel Marçal, membru Governu, Autoridade Lokál, PNTL no EDTL, E.P, komunidade Delta 4 no hetan bensaun hosi Pe. Indra.
Iha okaziaun ne'e, Xefe Governu husu ba Autoridade Lokál no Juventude sira, atu uza kampu ne'e hodi halo atividade desportiva, hodi kria unidade iha Aldeia no Suku laran.
Alen de ne'e, Ministru Obras Publikas husu ba Autoridade Lokál no Komunidade iha Aldeia São José, atu tau matan ba kampu Futsal ne'e ho di'ak nune'e bele uza ba tempu naruk.
Kampu Futsal Multi funsaun ne’e, finansia husi Ministeriu Obras Públikas ne’ebé kompleta ho fasilidade públika iha fatin referida.
Hafoin inaugurasaun, PM no MOP kontinua abertura jogu, entre ekipa Gabinete Primeiru-Ministru (GPM) kontra ekipa husi Ministériu Obras Públikas (MOP).
Fahe ba Sosial Media:
