Díli, 14/11/2023. Vise-Prezidente Komisaun Ezekutiva (KE) Bee Timor-Leste Empreza Públika (BTL, EP) ba Asuntu Sistema Bee, Saneamentu no Drenajen, Sr. Gustavo da Cruz aakompaña hosi Diretór Enjeñaria no Investimentu nomos Koordenadór PMU-BTL, E.P ho ekipa partisipa iha semináriu kona-bá Tailored Approaches for Development in Timor-Leste. Semináriu ne’e realiza iha sala konferénsia, Hotel Timor, Díli.
Semináriu ne’e organiza hosi ADB ho objetivu hodi hetan input ou opiniaun balun hosi parseiru sira, prinsipalmente hosi governu, atu nune’e bele mellora liu tan sira nia prosesu tomak, liu-liu ba iha implementasasaun projetu sira ne’ebé finansia liuhosi osan empréstimu hosi ADB rasik.
Durante iha atividade ne’e, parte ADB esplika kona-bá lala’ok aprovizionamentu, planu, dezeñu, jestaun finanseira no salvaguarda, atu nune’e labele iha atrazu ruma, wainhira tama ba iha faze implementasaun nian.
Fahe ba Sosial Media:
