Díli, 09/05/2023. Vise-Prezidente Komisaun Ezekutiva (KE) BTL, E.P (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz akompaña hosi Diretór Diresaun Operasionál no Manutensaun (DOM), Sr. Aleixo dos Santos partisipa iha enkontru koordenasaun ne'ebé realiza iha salaun enkontru edifísiu DNEPCC, Raikotu, Díli.
Objetivu hosi enkontru ne'e, hodi koordena no formaliza kona-bá estabelesimentu Komité Konsultivu, ne’ebé kompostu hosi ministériu haat nomos parseiru JICA ho objetivu hodi halo kontrolu ba servisu ligadu ho programa/projetu sira nomos hodi solusiona problema ruma ne'ebé mak akontese.
Alende ne'e, Komité Konsultivu ne’e, sei mos haree ou responsabiliza ba atividade sira hanesan, realiza reunaiun semestrál nian no reunaiun seluk bazeia ba pedidu tantu hosi parte JICA ou parte Timor-Leste nian wainhira iha nesesáriu, diskute kronograma ou oráriu implementasaun programa sira liga ba gastu ne’ebé lalais no efikaz hosi grant nomos nia juros, halo kualker modifikasaun ou mudansa posível hosi programa, inklui mudansa ba alokasaun subvensaun ba subprojetu sira, identifika kualker problema ne’ebé bele atraza implementasaun programa ou gastu hosi grant nomos akumula nia juros no esplora solusaun ba problema saida de’it ne’ebé mak akontese, ikus nian mak hodi ezamina opiniaun kona-bá publisidade ne’ebé relasiona ho programa ne’e.
Enkuantu ministériu ne’ebé hola parte iha Komité Konsultivu ne’e, mai hosi Ministériu Obras Públikas (MOP), BTL, E.P, Ministériu Agrikultura no Peska (MAP), Ministériu Finansas (MF) no Ministériu Negósiu Estranjeiru no Kooperasaun (MNEK) nomos JICA
Fahe ba Sosial Media:
