𝐃𝐢́𝐥𝐢, 𝐊𝐮𝐚𝐫𝐭𝐚-𝐟𝐞𝐢𝐫𝐚 𝟎𝟗 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, partisipa iha negosiasaun empréstimu entre Governu Timor-Leste (TL) ho Grupu Banku Mundiál (𝑊𝑜𝑟𝑙𝑑 𝐵𝑎𝑛𝑘 𝐺𝑟𝑜𝑢𝑝-𝑊𝐵𝐺), ne’ebé realiza iha sala reuniaun Ministériu Finansas (MF), Aitarak-Laran, Díli.
Negosiasaun ne’e sei hala’o durante loron rua no lidera hosi Ministériu Finansas (MF), hafoin Konsellu Ministrus (KM) delibera hodi autoriza MF reprezenta Governu TL, hodi halo negosiasaun ho Grupu Banku Mundiál, relativamente ho fundu empréstimu ne’ebé atu finansia ba projetu melloramentu sistema fornesimentu bee moos iha Kapitál Munisípiu Baucau.
Diskusaun loron dahuluk nian, hodi haree no deskute kona-bá akordu finansiamentu (𝑓𝑖𝑛𝑎𝑛𝑐𝑖𝑛𝑔 𝑎𝑔𝑟𝑒𝑒𝑚𝑒𝑛𝑡) no loron daruak nian sei kontinua revé ba dokumentu importante sira seluk, molok hakat ba akordu finál.
Relembra mos katak, implementasaun projetu melloramentu sistema fornesimentu bee moos iha Kapitál Munisípiu Baucau ne'e, atu hasa'e ho seguru infraestrutura bee moos nian, habelár rede distribuisaun sira no hadi'a kapasidade institusionál atu fornese servisu utilidade sira ne'ebé sustentável ba komunidade.
Negosiasaun ne’e, partisipa hosi 𝑊𝑜𝑟𝑙𝑑 𝐵𝑎𝑛𝑘 𝐺𝑟𝑜𝑢𝑝 𝑅𝑒𝑠𝑖𝑑𝑒𝑛𝑡 𝑅𝑒𝑝𝑟𝑒𝑠𝑒𝑛𝑡𝑎𝑡𝑖𝑣𝑒 iha TL, David Freedman, Legál no tékniku hosi MF, Prezidente Autoridade Munisípiu Baucau, Prezidente BTL, E.P, PMU 𝑊𝑎𝑡𝑒𝑟 𝑎𝑛𝑑 𝑆𝑎𝑛𝑖𝑡𝑎𝑡𝑖𝑜𝑛 (𝑊𝑎𝑡𝑆𝑎𝑛) Ministériu Obras Públikas (MOP), Fundu Infraestrutura (FI), ADN, I.P, inklui WBG seluk iha diáspora via vídeo konferénsia.
Fahe ba Sosial Media:
