Díli, 12/05/2023. Diretór DOM Bee Timor-Leste, Empreza Públika (BTL, E.P) Sr. Aleixo dos Santos, akompaña hosi Jestora Rekursu Umanu ho ekipa partisipa iha atividade Marsa Saudável ne'ebé organiza hosi MOP, molok hala'o marsa ekipa hala'o uluk jinástika iha Portu Díli, hafoin kontinua kedas hala'o Marsa Saudável ne’ebé rute hosi Portu Díli-Kampung Alor- Jardin 5 de Maio to'o Edifísiu MOP, hodi kontinua kedas ho Mini Bazar, iha resintu edifísiu MOP, Caicoli.
Objetivu hosi atividade Jinástika, Marsa Saudável no Mini Bazar ne'e, hodi komemora Loron Restaurasaun Independénsia Repúblika Demokrátika Timor-Leste (RDTL) 20 Maiu 2023 nian ba Dala 21. Ho tema “Hametin Demokrasia hodi Hadi’a Povu nia Moris”.
Mini Bazar ne’e, ekipa sira hosi MOP, BTL, E.P, EDTL, E.P RHTO no ekipa seluk tan prepara produtu lokál ba vizitante sira.
Partisipa iha Marsa Saudável ne'e, mai hosi BTL, E.P, MOP, ANAS, I.P, EDTL, E.P, ANE, I.P, MAE no CNE. Atividade refere hetan seguransa hosi parte seguransa Polísia Tranzitu (Poltranz) munisípiu Díli.
Fahe ba Sosial Media:
