饾悆饾悽虂饾惀饾悽, 饾悐饾惍饾悮饾惈饾惌饾悮-饾悷饾悶饾悽饾惈饾悮 饾煇饾煄 饾悓饾悮饾悽饾惍 饾煇饾煄饾煇饾煍 - Prezidente Komisaun Ezekutiva (KE) BTL, E.P, Gustavo da Cruz, akompaña hosi Diretór DAF Sidónio Freitas, partisipa iha seremónia lansamentu fatuk dahuluk ba projetu konstrusaun Sentru Konvensaun Internasionál (ICC, sigla inglés), iha Porto Díli.
Projetu ne’e, lansa direta hosi Primeiru-Ministru Kay Rala Xanana Gusmão, Prezidente Repúblika (PR), José Ramos Horta, Vise-Primeiru-Ministru, Ministru Koordenadór Asuntu Ekonómiku no Ministru Turizmu Ambiente, Sekretáriu-Jerál ASEAN, Vise-Primeiru-Ministru no Ministru Defeza Austrália no akompaña hosi membru Governu, Parlamentu Nasionál, Korpu Diplomátiku no entidade relevante sira seluk.
Sentru Konvensaun Internasionál ne'e, nudár símbolu ba Dezenvolvimentu nasionál hodi prepara ba siméria ASEAN nian ne’ebé sei akontese iha tinan 2029.
Konstrusaun ICC ne'e, sei ezekuta hosi kompañia Internasionál Xina, Shaanxi Construction Engineering Group Coporation Limited Premium Project ho durasaun tempu tinan rua, nune’e sei finaliza iha loron 20 fulan Maiu tinan 2028.
Partisipa iha lansamentu konstrusaun ICC ne'e, reprezentante Governu Austrália, Indonézia, membru Governu da-IX, Parliamentu Nasionál, korpu diplomátiku no konvidadu importante sira seluk.
Fahe ba Sosial Media:
