Díli, 09/07/2025, Diretór O&M, Bee Timor-Leste Empreza Públika (BTL, E.P), Aleixo dos Santos, reprezenta BTL, E.P partisipa iha jogu grande finál BNCTL CUP 2025 nian, ne’ebé hala’o iha loron 09 fulan jullu tinan ne’e, iha kampu futsal Bebora.
Realizasaun jogu ne'e iha ámbitu selebrasaun aniversáriu BNCTL nian ba dala 14, hodi reforsa liu tan lasu amizade entre instituisaun ida ho instituisaun sira seluk nomos entre individu ida ho individu seluk, atletas no jogadór sira, hodi kontribui ba iha estabilidade nasionál liuhosi jogu sira ne’ebé realizadu.
Molok atu hahú jogu, Prezidente Konsellu Administrasaun BNCTL entrega uluk taxa rotativa BNCTL CUP tinan 2024, ba manan nain tinan kotuk nian, nune’e hodi kontinua jogu entre ekipa feto BTL, E.P vs ekipa feto Telemor ba BNCTL CUP 2025 nian, iha kampu futsal Bebora.
Durante jogu iha primeira parte, ekipa femenina BTL, E.P hatama golu haat no iha segundu parte hatama tan golu rua, nune’e hodi halakon ekipa femenina Telemor ho skor 6 a 2, nune’e hodi lori ekipa femenina BTL, E.P sai primeiru lugár iha BNCTL CUP tinan 2025 nian.
No iha finál jogu, Vise-Primeiru-Ministru interinu no Ministru Transporte no Komunikasaun, Ministru Joventude, Desportu, Arte no Kultura nomos BNCTL fó apresiasaun hodi tara medalla ba jogadór sira no entrega mos taxa ba ekipa jogadór ne’ebé sai primeiru, segundu no terseiru lugár nian.
Iha biban ne'e, BNCTL entrega simbólikamente ekipamentu/materiál ba MJDAK hodi apoia ba jogu desportivu CPLP nian, ne'ebé Timor-Leste (TL) sei sai uma na'in ba eventu referidu
Jogu ne’e, partisipa direta hosi Vise-Primeiru-Ministru interinu no Ministru Transporte no Komunikasaun, Ministru Joventude, Desportu, Arte no Kultura nomos konvidadus sira seluk inklui komunidade sira.
Fahe ba Sosial Media:
