Díli, 03/07/2025, Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Korporativu, Manuel Tomás Amaral de Carvalho, akompaña hosi Jestór RP & GIS partisipa iha enkontru kona-bá Fundu Lakon no Estragus Impaktu hosi Alterasaun Klimátika. Reunaiun ne’e, realiza iha auditóriu Kay Rala Xanana Gusmão, MF, Aitarak-Laran, Díli.
Sorumutu ne’e, atu halo introdusaun kona-bá fundu lakon no estragus, esplikasaun kona-bá lala’ok no preparasaun ba mobilizasaun fundus klimátika, hodi responde ba lakon no estragus hosi impaktu alterasaun klimátika, halo identifikasaun atividade ka projetu adaptasaun nomos atividade sira ne’ebé bele responde ba lakon no estragus hosi impaktu inundasaun loron 4 fulan abril tinan 2021 nian ne’ebé karik to’o ohin loron seidauk implementa.
Ho nune’e, ohin, konvida entidade sira hosi liña ministeriál ida-idak, atu bele ko’alia no rona rekezitu sira ne’ebé estabelese iha fundu lakon no estragus ne’e nomos oinsá atu halo proposta, hodi bele asesu ba iha fundu ne’e.
Liña ministeriál sira ne’ebé mak marka prezensa iha reuniaun ne’e mak MOP, MTK, MAPPF, MKI, SEEAS, ANLA, I.P, BTL, E.P rasik nomos instituisaun relevantes sira seluk.
Fahe ba Sosial Media:
