𝐃𝐢́𝐥𝐢, 𝟏𝟑 𝐌𝐚𝐫𝐬𝐮 𝟐𝟎𝟐𝟔. Prezidente Komisaun Ezekutiva (KE) BTL, E.P, Gustavo da Cruz, akompaña hosi Diretór DEI, João da Cruz Cardoso, partisipa iha enkontru entre grupu traballu tékniku liña ministeriál ne’ebé realiza iha salaun enkontru ADN, Hudi-Laran.
Reuniaun ne’e, lidera hosi Ministru Planeamentu no Investimentu Estratéjiku (MPIE), Gastão de Sousa, ho objetivu hodi atualiza progresu dezenvolvimentu infraestrutura bázika hanesan bee, eletrisidade no estrada ba investimentu estaleiru ne’ebé sei implementa iha Postu-administrativu Laleia, Munisípiu Manatuto.
Perante reunaiun ne’e, instituisaun idak-idak aprezenta no entrega dezeñu ba MPIE, enkuantu, setór bee nian, Ezekutivu BTL, E.P informa katak, dezeñu detalladu ba sistema bee ne’ebé atu fornese ba estaleiru ne’e, finaliza ona no ohin lokraik sei submete ba ADN hodi halo verifikasaun.
Prezidente KE BTL, E.P aprezenta mos kestaun balun liga ba terrenu ou rai ne’ebé atu utiliza ba perfurasaun nian, maibé daudaun ne’e iha ona prosesu nia laran.
Sorumutu ohin, partisipa hosi MPIE, TradeInvest Timor-Leste, MOP, EDTL, E.P no liña Ministeriál sira seluk
Fahe ba Sosial Media:
